影片
更多
2021-02-25
74 瀏覽
好耐之前食過深圳嘅探魚，已經一試難忘，估唔到香港都有一間<<烤魚工房>>！疫情期間仲要可以外賣自取返屋企食，真係貼心服務！我自己就直接去餐廳落order, 想預先落定嘅話，大家可以選擇Openrice自取/外賣App落order, 因為佢哋即時處理，所以最好落定order再慢慢行過去拎！貼心一提，星期五六日營業時間12:00開門，同埋想返到屋企可以熱辣辣滾住咁食，值得加多$30 換埋個火爐，保證新鮮又衞生！返到屋企，當然急不切待打開嚟睇吓個賣相啦，餐廳好體貼喺錫紙盤上再加埋保鮮紙包實再加蓋，咁樣就冇咁易漏咗啲湯汁！今次係第一次食呢間餐廳，所以我點咗好多人推介嘅江團魚，再配重口味嘅香辣豆花，正宗地道口味，同探魚真係有得揮！魚味鮮甜，肉質鮮嫩，平時好少食魚嘅我都不停食，而且條魚都好大條，完全夠三至四人食用！另外，湯底有唔同辣度俾大家揀，怕辣嘅朋友仔都可以試下！而我下次會選蒜香酸菜烤魚，因為落單時見有好多食客都叫呢個，望落去都幾吸引！除咗叫烤魚外，我當然點咗幾串串燒食啦！燒茄子簡直一流，落重蒜茸燒，而且多汁又唔乾身，十分惹味！燒牛舌亦唔輸蝕，夠厚身，有口感！羊
返到屋企，當然急不切待打開嚟睇吓個賣相啦，餐廳好體貼喺錫紙盤上再加埋保鮮紙包實再加蓋，咁樣就冇咁易漏咗啲湯汁！
今次係第一次食呢間餐廳，所以我點咗好多人推介嘅江團魚，再配重口味嘅香辣豆花，正宗地道口味，同探魚真係有得揮！魚味鮮甜，肉質鮮嫩，平時好少食魚嘅我都不停食，而且條魚都好大條，完全夠三至四人食用！另外，湯底有唔同辣度俾大家揀，怕辣嘅朋友仔都可以試下！而我下次會選蒜香酸菜烤魚，因為落單時見有好多食客都叫呢個，望落去都幾吸引！
除咗叫烤魚外，我當然點咗幾串串燒食啦！燒茄子簡直一流，落重蒜茸燒，而且多汁又唔乾身，十分惹味！燒牛舌亦唔輸蝕，夠厚身，有口感！羊肉串就亦燒得問錯，整體來講，呢間<<烤魚工房>>真係值得推介！價錢唔貴，食物質素高，不二之選！
張貼
