影片
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
網上睇宣傳片寫$199任食，有烤魚、雞煲、生蠔、榴槤等等既野，但到現場原來任食生蠔要另加$9.9，呢個都算，榴槤要另加$39.9…咁就唔好宣傳片話$199任食啦…宣傳手法唔太老實🤥我地揀左烤魚+串燒任食，雖然烤魚/雞煲+串燒任食，但味道咸到一個點，咸到根本冇可能會再食到多一條，勉強食到第二尾真係頂唔順，食唔哂，魚亦唔係特別好食，仲要想食另一款魚都要每次另加錢雖然試左加$19食鱸魚，但覺得味道根本一樣，都係得個咸字，口感食唔出分別……反而另外提供任拎既熟食小食（口水雞、燒排骨炸雞翼等等）、糖水、湯呢啲味道就還可以，正常過烤魚、串燒太多！唯一值得讚既係雪糕、甜品選擇多。本來係為食烤魚而尼，點知咁差，食完口渴左大半日，飲左好多水
繼續閱讀
員工沒禮貌是事實，安排不當是事實。餐廳裏的員工沒有好好溝通。荒謬一：前一天打電話預約了7.30。餐廳沒有準時預留位置給客人。前一天電話打去餐廳book 了7.30。餐廳就應該要準時7.30預留位置及客人。我7.30準時到達，員工手寫了一張票給我們，表示我們要再等多兩張枱才到我們。我說我是book 了7.30，門口鬢邊員工就問我們，你們是吃單點還是放題？我們回覆吃單點。一開始我們以為只是等一會。去到8.00，半小時了還不能夠進入餐廳吃飯，很可笑吧，兩張枱要等這麼久？我們問店員為什麼還沒到我們，我們打電話預約了7.30你就應該7.30準時安排坐位給我們。員工很荒謬說：「你係book位。唔係book 左枱！係唔同架」。之後佢仲講左一句「如果你想快d既話可以揀放題」。我真係想問下有咩唔同？？同埋我講下點解話佢安排不當，會導致等咁耐既原因係因為佢將客人分左兩邊，一邊單點，一邊放題，我係到等單點兩張枱既時候，門口那位鬢邊員工就一直放walk in 放題的客人進餐廳，起碼放了10幾枱都沒有放一張單點枱進餐廳。很可笑吧。才導致我們等了這麼久。根本只係想做放題既生意。只想迫單點的人轉放題。荒謬2：餐廳很多食物都沒有當我們8.15左右進入左餐廳，諗住可以叫野食啦，另外一個店員2拎左個餐紙比我地，同我地講餐牌上什麼東西已售罄。店員2在餐紙上打了十幾多交叉。表示該食物都沒有。荒謬3：店員把我們的餐紙弄不見了我們選擇好了，把餐紙交給（店員1）讓她下單，隔了10分鐘左右，（店員1）表示餐紙不見了，讓（店員2）過來，幫我們再下一次單。我們表示不用了，吃不消。以上内容句句屬實。
繼續閱讀
烤魚工房係元朗人最喜愛的燒烤店，唔少人去烤魚工房都係為左食烤魚，即使烤魚工房係烤魚界天花板，不過去烤魚工房都唔係一定要食烤魚，仲有好多其他選擇可以食！誠意推介「川式串燒」，必吃「串燒豬頸肉」同埋「烤雞軟骨」都係兩串 $29，肥肥地既豬頸肉串燒出來既油香味難以用文字去形容，雞軟骨既口感就有少少咬口，兩串串燒享受不同既口感，建議一啖豬頸肉一啖雞軟骨咁樣食，加埋 $14「加多寶」，真係絕配！再誠意推介錫紙類野食，「錫紙花甲」「牛油錫紙娃娃菜」分別 $49 同 $35，「錫紙花甲」有粉絲墊底，絕對係精華所在！錫紙娃娃菜溝埋牛油，娃娃菜既味道因為牛油而昇華！最後仲叫左碟 「傳統炸酥肉」$52 大大碟，炸得好香脆，夾埋灑係上面既調味粉，味道一流！
繼續閱讀
安排入座至尾段，電子落單，約5分鐘上左串燒，之後差唔多25分鐘先上烤魚，食物味道可以，但個場得四成客，可以體諒新年廚房可能少人開工，但樓面員工似完全不想服務，叫都無反應，加湯要自己加，係吾係要好似樓宇保安收利是先識做野？祝元朗烤魚工房日日似新年期間收利是先開工，如果吾係員工零動力
繼續閱讀
烤魚工房搬新舖後一直未試過，今次同屋企人一齊去食烤魚。店內全部設卡坐，坐得舒服，抽氣系統完善，冷氣夠充足。豆花烤魚—清江魚，屋企人唔太食得辣所以點了BB辣，一大盤烤魚，很多香料、配料鋪滿清江魚上面，魚肉吸收了湯汁，少少辣但很惹味。重慶把把燒，48串重慶川味串燒組合，包括有（羊肉串、雞腎串、魷魚串、魚豆腐串、雞軟骨串、牛肉串、牛肚村、豆角串），川式串燒比較辣，辣到分唔到每款串燒本身嘅味道。食辣當然要飲杯凍飲，芒果沙冰、益力多沙冰、西柚梳打、連鴨屎手打檸檬茶都有。食完烤魚唔夠另加了麵條、年糕、腐竹、紫菜響鈴。
繼續閱讀