影片
更多
2019-07-14
84 瀏覽
好耐冇食過烤魚啦！最近未有時間北上但又好想食，所以就決定係香港揾下有咩風評好嘅黎試下！本身想試食香辣烤魚，但因為同行有2個朋友都唔係好舒服，所以就決定食蒜香烤魚～一上台就聞到蒜味超級香濃岩晒我呢D愛蒜之人！魚嘅分量都唔算細條，四個人分都夠食～魚質都幾嫩滑，同埋有鮮味，連埋蒜香嘅湯底好好食。一開始好怕會好鹹，但食入口都幾驚喜，蒜味濃但又唔會覺得太鹹～唔食辣嘅人岩晒～配菜方面我地叫左6款，一行四人唔太夠飽所以就再加左少少。食烤魚不得不叫嘅梗係海帶！可惜佢冇晒海帶結，所以我地就叫左海帶片，解油膩口感又清爽另一樣就叫左豆皮結，吸湯黎食勁正！由口感食得出佢嘅食材冇擺左好耐。結嘅好處係口感會保留得好D，所以如果有得叫結都真係幾貼心～蘿蔔都係我打邊爐嘅心頭好之一，不過如果佢嘅蘿蔔片可以再甜少少就好啦～蓮藕片好爽脆，我唔係一個鐘意食蓮藕嘅人都覺得唔錯～雞脾菇基本上係冇人唔鐘意食～爭住黎食～朋友叫左呢個冇得輸鴨血，個名真係改得幾好幾吸引～口感好滑之餘又帶一點爽，真係幾冇得輸～因為冇咩肉食就叫左個日本黑豚肉，份量都幾多。肉質好嫩滑，食得出唔係cheap cheap 貨仔性價比好高雙併滑係蝦滑加墨魚滑，蝦滑
本身想試食香辣烤魚，但因為同行有2個朋友都唔係好舒服，所以就決定食蒜香烤魚～一上台就聞到蒜味超級香濃岩晒我呢D愛蒜之人！魚嘅分量都唔算細條，四個人分都夠食～
魚質都幾嫩滑，同埋有鮮味，連埋蒜香嘅湯底好好食。一開始好怕會好鹹，但食入口都幾驚喜，蒜味濃但又唔會覺得太鹹～唔食辣嘅人岩晒～
配菜方面我地叫左6款，一行四人唔太夠飽所以就再加左少少。食烤魚不得不叫嘅梗係海帶！可惜佢冇晒海帶結，所以我地就叫左海帶片，解油膩口感又清爽
另一樣就叫左豆皮結，吸湯黎食勁正！由口感食得出佢嘅食材冇擺左好耐。結嘅好處係口感會保留得好D，所以如果有得叫結都真係幾貼心～
蘿蔔都係我打邊爐嘅心頭好之一，不過如果佢嘅蘿蔔片可以再甜少少就好啦～
蓮藕片好爽脆，我唔係一個鐘意食蓮藕嘅人都覺得唔錯～
雞脾菇基本上係冇人唔鐘意食～爭住黎食～
朋友叫左呢個冇得輸鴨血，個名真係改得幾好幾吸引～口感好滑之餘又帶一點爽，真係幾冇得輸～
因為冇咩肉食就叫左個日本黑豚肉，份量都幾多。肉質好嫩滑，食得出唔係cheap cheap 貨仔性價比好高
雙併滑係蝦滑加墨魚滑，蝦滑嘅蝦味好出，但墨魚滑更加爽口彈牙，2邊都有我地嘅支持者所以兩樣都試下無妨～
最後大推呢個四川寬粉唔好睇佢好似好少咁，其實食落都幾飽，口感似薯粉但食落更煙un食到後來真係好飽但係都係忍唔住繼續食
飲品我地叫左2款黎食，茉莉蜂蜜同埋玫瑰蜂蜜茉莉蜂蜜感覺清新D，玫瑰蜂蜜就甜D，但兩樣都幾解膩同埋花香幾重～
張貼
