烏蠅館 (已搬遷) 新店位置

喺香港都食過幾次烤魚，不過今次依間，絕對無令我失望。一收工就同同事過去，可能時間尚早，6點半左右，無乜人。店員會好細心過嚟解釋三種魚嘅特色同烹調味道上有咩分別，因為魚系即叫即整，所以店員會建議先揀左條魚，預十幾分鐘先上到，所以可以慢慢再揀配菜打邊爐。我哋就決定叫招牌香辣味嘅三刀魚，每款魚都送3款配菜，而配菜方面系餐廳話事，當晚送嘅系蘿蔔片，萵筍同木耳。我哋另外再叫左土豆粉，娃娃菜拼海帶同埋脆脆午餐肉。魚嘅份量夠兩個人食，先焗後烤，但仍然食到魚本身嘅鮮味，如果想重口味啲，可以點埋啲蒜同汁，同大陸好出名嘅烤魚一樣甘好味。食到聽上下，店員會主動加湯，然後就可以用配菜打邊爐。脆脆午餐肉即叫即炸，雖然罪惡感好重，但真系一啖接一啖停吾到口，炸過嘅午餐肉好脆口，入面又充滿油脂，再輕輕浸一浸落個湯度食，好味。娃娃菜就好索湯底，必點。