影片
更多
2021-12-23
510 瀏覽
諗起聖誕節就開心，可以同一班朋友慶祝又得，想靜靜地同另一半二人世界亦可以。想食好少少，又唔想同人逼，烤肉都不失為一個好選擇。位於尖沙咀的棉登徑，小小的一條街，盡是食肆，「牛魔」正是其中一間。雖然是烤肉店，但沒有傳統的垂直抽風機，反而是採用烤肉機旁邊的抽風系統，說真的，又的確無乜油煙味。始終是聖誕節，所以有聖誕二人前供應，由12月24日至26日，12月31日及1月1日。食燒肉梗係要配啤酒，最可惜部飲幾多計幾多既智能啤酒機暫時關上，否則會好玩好多。今次聖誕節餐廳有兩款套餐，適合牛魔皇同戒牛一族的朋友。兩款分別是和牛盛合以及海鮮盛合（各$1,280）和牛盛合先付有汁煮大根、古法泡菜，大根入味但爽口，而泡菜又幾辣下，不過就令人好開胃。日本岩手縣生蠔送上有「令和之怪物」稱譽的生蠔，真係好大隻，因為係飛機貨，所以好新鮮，尤其是邊位同帶子位好爽口，就算不加檸檬汁都覺得好鮮。風乾火腿芒果沙律烤肉都幾膩下，先食沙律清清味蕾真好。辣豆腐海鮮湯餐廳混合了韓日菜色，辣豆腐湯其實真材實料，豆腐又滑，辣辣地越食越想食。牛肉A4和牛蘋果卷實在太肚餓同流口水，當然烤最快熟既A4和牛蘋果卷，外層滿是油香，內裡是清爽的
諗起聖誕節就開心，可以同一班朋友慶祝又得，想靜靜地同另一半二人世界亦可以。
想食好少少，又唔想同人逼，烤肉都不失為一個好選擇。
位於尖沙咀的棉登徑，小小的一條街，盡是食肆，「牛魔」正是其中一間。雖然是烤肉店，但沒有傳統的垂直抽風機，反而是採用烤肉機旁邊的抽風系統，說真的，又的確無乜油煙味。
始終是聖誕節，所以有聖誕二人前供應，由12月24日至26日，12月31日及1月1日。
食燒肉梗係要配啤酒，最可惜部飲幾多計幾多既智能啤酒機暫時關上，否則會好玩好多。今次聖誕節餐廳有兩款套餐，適合牛魔皇同戒牛一族的朋友。
兩款分別是和牛盛合以及海鮮盛合（各$1,280）
和牛盛合
先付
有汁煮大根、古法泡菜，大根入味但爽口，而泡菜又幾辣下，不過就令人好開胃。
日本岩手縣生蠔送上有「令和之怪物」稱譽的生蠔，真係好大隻，因為係飛機貨，所以好新鮮，尤其是邊位同帶子位好爽口，就算不加檸檬汁都覺得好鮮。
風乾火腿芒果沙律烤肉都幾膩下，先食沙律清清味蕾真好。
辣豆腐海鮮湯餐廳混合了韓日菜色，辣豆腐湯其實真材實料，豆腐又滑，辣辣地越食越想食。
牛肉
A4和牛蘋果卷
實在太肚餓同流口水，當然烤最快熟既A4和牛蘋果卷，外層滿是油香，內裡是清爽的蘋果絲，正好起了平衡的作用。
M7肉眼油份較少，但肉味相對較濃，而且有嚼口，好味。
封門柳每隻牛份量極少，肉質軟熟，無須烤至全熟，生生地更軟熟，同樣是牛肉，不同部位口感及味道各有差異，真是要好好品嚐。
牛舌選用整條牛舌中間最嫩滑味濃的部位，切成長條形，四邊各烤一陣，咬落彈牙肉味濃，正。
甜品
聖誕白玉蕨餅雪花杯
放有小丸子、抹茶蕨餅、紅桑子雪葩、黑豆、南瓜蓉及棉花糖小串，色彩繽紛，口感各有不同，甜酸夾雜，真係好豐富呀！
海鮮盛合
特選龍蝦尾
肥大肉厚，肉質爽甜，就算戒牛肉都有好多選擇。
另外，日本北寄貝同日本帆立貝吃得出的新鮮。
而日本魷魚筒大大隻，剪開兩半再烤，口感煙韌，有少少焦香更吸引。
仲有王樣蟶子皇，連殼烤避免肉質過老，加上蒜蓉蔥花的幽香，又係必食。
聖誕二人套餐可以用優惠價追加海膽三色丼，當中包括有拖羅蓉、海膽以及三文魚子，蓋滿了整碗飯，清碗是毫無難度。
踫著有朋友生日，又可以order店方秘菜《牛魔水簾洞》，因為每天限量兩三個，要預早訂先有，在挖空的冰水滴內是薄切雪花和牛刺身，脂肪入口即溶，又充滿玩味，其實無須慶祝生日都可以叫返一個。
見餐廳有Dry Aged 櫃，來一份熟成肉眼扒（$468），由專人烤至medium rare，再幫客人切成薄片，灑上些少海鹽來提鮮，一口啤酒一片肉眼，真是人間美味。張貼
