更多
2019-02-01
793 瀏覽
本來約咗人，今晚去蒲吧，點知又俾放飛機，唯有孤伶伶一個人去食嘢。度度下，見到地下出現個餐廳招牌倒影，都幾出位，被吸引了，就入咗去。裡面都幾有人氣，主要都係年輕人。我坐咗吧檯位，面對外面馬路，見住啲人行來行去好似好忙，而我就好悠好hea，你哋唔幸得咁多喇!叫咗碗醬油豚角煮山椒芝士醬烏冬，拌菜有醃藕片，食落好爽脆，醃漬味道唔錯。上層有些好絲，原來係山椒。初初食只香，唔覺辣，後來才體會到after taste，好彩都唔算太辣，仲接受到。烏冬質地都OK，軟得來又有煙韌感。豚肉入味，一咬就融化。香腸煎得好香，油甘味豐富。飲品就要咗一杯檸檬鹽高球。佢係一杯燒酒和梳打混合體，再加上成個切片鹽醃過的檸檬。第一啖覺得似檸雜，酒味唔多夠。於是，就唧晒啲燒酒落去杯嘢到，嗯! 味道唔同晒，好好飲。食完烏冬，飲完燒酒，仲好似差緊啲嘢咁。原來係差咗個甜品，於是，叫咗杯咖啡京茶軟雪糕來滿足一下個脾胃。咖啡味好特出，雪糕質地亦好軟滑，嗯! 終於滿足晒!
度度下，見到地下出現個餐廳招牌倒影，都幾出位，被吸引了，就入咗去。
裡面都幾有人氣，主要都係年輕人。
我坐咗吧檯位，面對外面馬路，見住啲人行來行去好似好忙，而我就好悠好hea，你哋唔幸得咁多喇!
叫咗碗醬油豚角煮山椒芝士醬烏冬，拌菜有醃藕片，食落好爽脆，醃漬味道唔錯。
上層有些好絲，原來係山椒。初初食只香，唔覺辣，後來才體會到after taste，好彩都唔算太辣，仲接受到。
烏冬質地都OK，軟得來又有煙韌感。
豚肉入味，一咬就融化。
香腸煎得好香，油甘味豐富。
飲品就要咗一杯檸檬鹽高球。佢係一杯燒酒和梳打混合體，再加上成個切片鹽醃過的檸檬。第一啖覺得似檸雜，酒味唔多夠。於是，就唧晒啲燒酒落去杯嘢到，嗯! 味道唔同晒，好好飲。
食完烏冬，飲完燒酒，仲好似差緊啲嘢咁。原來係差咗個甜品，於是，叫咗杯咖啡京茶軟雪糕來滿足一下個脾胃。咖啡味好特出，雪糕質地亦好軟滑，嗯! 終於滿足晒!
張貼
