胡爐 (已結業)

秋風吹起，約埋朋友打邊爐是常識吧！朋友話近排網上發現好多人推介胡爐，話不如去試下！做搞手其中一個煩惱就係揾地方，有提議當然即刻接納！環境裝修幾精緻，而且好有私隱度，除咗有幾間獨立房外，外面嘅枱之間都有類似屏風隔開。我哋先叫咗個火焰龍蝦海鮮鍋做湯底。初頭以為一鍋湯直接喺廚房出嚟，但原來鍋同湯分開上。職員先用牛油炒香鍋入面嘅蕃茄、洋蔥、蜆同龍蝦，入面嘅龍蝦仲郁緊架，好生猛！炒到噴晒火，好似睇表演咁！炒過之後焗一焗再加入龍蝦湯入去繼續煲。職員叫我哋可以先飲下湯再開始打邊爐，果然係明智之舉！因為個湯好鮮味，仲有d龍蝦嘅膏融咗入去，好正呀喂！好喇，正式打邊爐，我哋叫咗幾款雙拼丸類、餃子，飛驒A5和牛同埋菜籃。鵝肝蝦丸幾特別，手打蝦丸入面釀入一小粒鵝肝，先食得蝦丸嘅彈牙同鮮味，配合鵝肝嘅甘腴油香，好好食呀！如果鵝肝再多少少，一定更加正！黑松靈墨魚丸同手打芝心牛丸都好彈牙！食芝心牛丸時將筷子篤入去，d芝士即刻咇出嚟，好澎湃！另外個麻辣牛肉餃都好值得一試，薄薄嘅餃子入面包住滿滿嘅牛肉餡，加埋少少麻辣嘅香味，好夾！最後，絕對唔可以唔提飛驒A5和牛！痴線架！好食到呢！入口即溶就係呢種滋味！牛肉味濃，油花均