沙嗲王 (已結業)

行完街又係諗食咩嘅時候，本想食譚仔，但又好似啱啱先食過，咁不如去沙嗲王啦，好耐無黎啦。自從上次試過個酥皮pizza之後，完全愛上左，今次一定要叫。想叫自選湯粉系列，但賣哂，咁要返至愛嘅白咖哩先，另外再加少少野，夠哂飽。pizza好香呀，要左菠蘿煙肉味，酥皮又煙韌，又脆脆，可惜唔係太熱。白咖哩豬扒，豬扒香茅味香得黎又唔太搶，咖哩汁香滑。menu話轉左用新瀉米，真係幾軟綿，白飯撈白咖哩汁好味呀。泡菜炒年糕，份量比以前少左，但炒得好味，多泡菜，辣辣地好好食呀。卡坐幾濶落，可以慢慢食唔使比人望住。