瘋狂小面 (佳德商業大廈)

營業中

休息中

真係未試過去間咁差嘅舖頭，禮拜日12點左右黎到，係門口企左好耐都冇人出黎招呼，等極都唔見人咪自己搵個卡位坐。戈陣舖頭人流得一半都冇，我地坐低左，個樓面先出現，對話如下：佢：你地係做咩我：下？佢：你地係想點，你地幾多位我：兩位囉佢：兩位唔係坐係到，出黎我真係聽到已經唔知俾咩反應，一黎質問咁嘅態度，如果你係門口守住，我都唔會自己揀位啦，何況當時都冇人，坐邊有咩分別😅 你話你間舖好旺就話啫。到我坐低填完紙仔俾佢，佢先講原來要分開填，下兩碗麵咋喎，眼有事唔識睇？係都要人分開填？都算啦，填完之後黎收單到上菜，全程啞左咁，粗手粗腳擺落枱面就算，完全冇叫人「小心」「唔該」「唔好意思」呢啲，我作為客人都好態度過佢，西口西面咁上菜又唔講呢碗係乜。重點係間野啲野食勁普通毫無特色，一碗酸辣粉一舊肉好冇，真係淨係得碗麵同汁，連埋熱飲要收$78，痴線我去食雲x香唔好？-_- 唔好食，唔抵，服務差到貼地，佢仲好意思收我加一，請問你服務左我啲咩？坐低連杯水都冇？祝你早日執笠啦尤其係個樓面做野咁嘅態度，好自為之。