元朗新記 (吳松街)

營業中

休息中

經過這間新開的粥店，見幾多野食，入去試下！雞粥粥底有雞肉鮮甜，而且雞件多又夠滑。香脆炸大腸炸至表皮脆口，裏面還帶了大腸內壁的肉，很有咬口。蜆介鯪魚球大粒過乒乓波，裏面啖啖鯪魚肉，十分彈牙，加上咸香味十足的蜆介汁，味道更能提鮮。蒜泥汁脆皮豆腐豆腐炸至表面金黃香脆，裏面嫩滑，細細件正好一口一粒，蒜泥汁帶點醋酸，令豆腐不至太油膩。帶子肉片炒麵炒麵雖然不油膩，但比較乾及硬，味道一般。椒絲腐乳炒通菜通菜爽脆，腐乳的咸香味十分夾，亦不會過咸。最後飲了杯五花茶，味道夠濃又不太甜，食完炸野真係可以下火。