申、居酒屋 (已結業)

最近發現原來天后果邊都有唔少好野食，今次就同朋友去左呢間申、居酒屋食串燒同炸物❤️餐廳環境都唔錯，我同朋友就揀左坐吧枱，感覺比較有feel. 環境上有個小小嘅缺點就係唔太通風，燒野食嘅煙有少少攻眼。餐廳有齊晒各種炸串同串燒，我地就各揀左啲，下面呢啲係令我印象比較深刻嘅：✨燒牛舌（$68）燒牛舌都幾好味，口感彈牙有油香。✨炸鰻魚（$68）我地分別叫左燒鰻魚同烤鰻魚，兩樣都好好味，但炸鰻魚就相對更有驚喜！新鮮炸起嘅鰻魚外脆內嫩，上面加左甜甜嘅鰻魚汁，非常出色。✨炸蠔（$48）超推薦佢地嘅炸蠔❤️生蠔食落好大隻同新鮮，炸得岩岩好熟。上面加左他他醬，同炸蠔嘅味道好夾。整體黎講野食嘅味道都唔錯，價錢唔算特別貴，都值得一試。