申、居酒屋 (已結業)

同老婆都有一段時間冇出去行街食飯了，今次過去天后行下街搵下野食，原來這邊都已經有一兩幢新起的商業大廈，內裡都有好幾間食店，入去睇下，到最後搵到這間日本居酒屋試下先。【乳酸梳打】夏日炎炎，都係叫了杯乳酸梳打，味道酸酸甜甜，清新又冰凍。【雞中翼】雞翼燒到外皮的表面勁香脆，但內裡又有肉汁，非常鮮甜美味。【生燒鰻魚】一來到比想像中厚身，肉身夠厚又夠彈牙，魚皮表面燒得非常香脆。值得推介。【豚肉芝士】豚肉包住原粒芝士，口感不錯，仲有拉絲的感覺。【炸蛋】眼見親手整炸蛋，見他將一隻流心蛋放入蛋汁再加上麵包糠先放入爐炸，炸起了，內裡非常流心，仲要深橙黃色，勁有蛋味，外脆內軟，真不錯。【唐揚池魚仔】近期愛上左這個池魚仔，同朋友老婆去吹水送飲品一流，炸得又夠乾身又不覺有油膩感，食落非常香脆又脆卜卜。【炸雞飯-南蛮炸雞丼】南蠻炸雞口感十分有特色，每件炸雞都算大件，外皮炸得勁香脆，內裡勁juicy，再加上自家制他他醬，真不錯，真係好餸飯。