胡爐 (已結業)

今日黎到銅鑼灣，諗左好耐都唔知食乜好，點知朋友就話去打邊爐，咁就決定左黎呢間試下，一坐低發覺環境幾好，每一檯都有屏封隔開私隱度都幾高，問店員推薦咩鍋底，佢就介紹左花膠雞湯底，咁我地就試左呢個花膠雞湯底，仲有叫左個雜菜，黑松露墨魚丸、蝦丸、黑松露餃、蟹棒、烏冬。整體食物質素都唔錯，特別係黑松露丸真係值得一提，一入口啖啖松露香再配合墨魚鮮味，真係令人回味。下次如果再黎都會再叫呢個，另外打邊爐湯底當然好重要，呢個花膠雞湯底入面有冬瓜、花膠、雞都幾足料，試左啖湯好濃郁，好有老火湯既感覺真心推介一定要試，其他食物質素都ok。下次有機會會再黎。