胡爐 (已結業)

解釋即係掩飾🤣所以唔辯解喇！係呀！Be又打邊爐呀🤣之前試過佢哋尖沙咀分店嘅火鍋…覺得食材用料的確係唔錯！今次嚟到試埋重新開番嘅cwb分店😌發覺呢度食物質素更係level up👏👏. ✨濃湯佛跳牆雞翅鍋 $398呢個超級濃郁嘅佛跳牆湯底真係冇得頂👍👍緊記緊記緊記飲夠湯至好開始打邊爐！每飲一啖都幸福感爆燈‼️無敵足料！除咗鮑, 參, 翅, 肚, 樣樣齊全之外！仲有鮮雞件, 螺片, 金華火腿等！質感濃稠！嚐得出鮮味同火喉都十足！試問啖湯點可能唔好飲至得架🤤🤤. ✨手切頂級安格斯肥牛(小) $228肉質色澤呈現粉紅色😍紋理分明細緻😍未食已經知道等陣放入囗係何等味蕾享受!!放入極品湯底度焯幾秒食落果然牛味夠！而且口感係軟！腍！嫩！🤤🤤美味程度十分高！.✨黑松露芝心牛丸 (半份)(四粒) $52巨大化版嘅手打牛丸❗人手打出嚟嘅肉質係非常鮮嫩彈牙！咬落肉汁喺口中爆發！重重點係！內餡嘅黑松露芝士流心效果好澎湃！令成粒丸丸嘅好味指數大大提升😋😋. ✨蔬菜拼盤 $68係唐生菜+娃娃菜雙拼！夠哂新鮮翠綠🥬🥬用嚟吸收牛肉同湯底精華！真係作結得好完美！. 總結係：食材質素的確值得讚！唯獨係價錢偏貴一啲！以上二人份