叁樓火鍋 (已結業)

天氣涼左，好多時出街食飯都想打邊爐，今日係尖沙咀行街見到呢間樓上邊爐好似係新開既，膽粗粗入去試下佢，餐廳裝修係走宮廷風，座位都幾闊，我見仲有兩個vip 房，人多包房食都幾正蝦膏單骨雞翼係打邊爐前叫左個香口小食試下，食物上枱熱辣辣，好香脆，雞翼得單骨所以好方便一啖一隻，味道帶有蝦膏既咸香味，都幾夾麻辣鴨血+重量級芫荽皮蛋豆腐鍋今日好貪心，叫左兩個湯底，有重口味同清新口味，麻辣湯底係死辣果款，辣得黎幾香口，食到有好多香料味，而鴨血都幾滑溜，芫荽皮蛋豆腐好足料，大量既芫荽令個湯底好香，湯底滾左我即刻飲左一碗，好有屋企既味道，好正！伊比利亞豚肉拼本地肥牛兩款肉既油花都好平均好靚，豚肉入口好香豬肉既油脂香味，肉好嫩滑，而本地肥牛既牛肉好香濃，雖然睇落唔算多油口，但每片淥幾秒，牛肉嫩滑得黎又幾香牛既油脂味炸響玲響玲係餐廳即炸既，所以上枱時仲熱熱地，呢度既響玲配有一個酸汁，可以當小食咁食，唔淥既響玲配酸汁有少少似飲茶既腐皮卷，我都係鍾意淥佢一兩秒既半脆半淋既口感😁😋手打丸加水餃拼盤蝦丸，牛丸，雲吞同韭菜餃各兩粒，牛丸夠彈牙又有濃濃牛肉味，而蝦丸就食到有唔少蝦肉，夠晒真材實料，而雲吞就同出面雲吞舖食到