靚煲皇 (已結業)

天氣開始熱啦，最岩一班人一齊吃小菜，今日揀左以多小菜聞名既靚煲皇試一試。環境以中式風格為主，所有既餐具，Menu都有用心設計過， 入面既裝潢古色古香，望落乾淨企理，傾計都舒服。因為岩岩放工既關係，大家都嗌曬肚餓，好彩既係佢上菜速度好快，不得不讚既係waiter好Nice，會主動幫手加水添野。佢地既醬料亦好齊料，應有盡有。火焰霸王豬手煲豬手煲一定係就今晚既主角，味道香濃，岩哂我地四個鐘意重口味既朋友仔。豬手大大份，份曬十足。各種配料亦都為豬手加左分，味道更豐富。干鍋洋蔥胡椒蝦一食就好有驚喜，新鮮，靚既蝦肉既基本，口感非常飽滿，有別於平時一般既蝦肉，令人眼前一亮。薑蔥炒蟹食物擺放得有心思，視覺效果好靚，即使我地擺到最後先食，都一樣咁好食。蟹肉份量好多，食到好飽。棒打牛魔王，一上菜就俾佢個外觀吸引住，味道新鮮嫩滑，配埋配菜都算係物超所值。牛舌彈滑既口感已令人一試難忘，一咬落口豐富既肉汁已經多到漏出黎，鐘意食牛舌既朋友一定唔可以錯過。最岩胃口細但又想試唔同野食既朋友仔食！-用料新鮮，而且花款夠多，環境舒適， 性價比高，下次和其他朋友仔都會再來。