火焰山重慶火鍋 (已結業)

朋友話佢屋企附近新開咗間四川麻辣火鍋，見到做緊優惠有九折，一於一齊試下。入到去就見到醬料吧，有好多選擇，同係唔少麻辣火鍋一樣，有惹味既香油同辣粉乾碟。叫完食物後，湯底第一時間就上檯，我地叫左個鴛鴦鍋，就選擇左小辣既麻辣湯底，同野菌湯底，麻辣口味好地道，用上大量乾辣椒、花椒，真係好刺激。必試既忽必烈手抓羊肉，味道唔錯，唔會有羶味，燒得好香，加埋生菜包起食，唔會油膩。一口牛肉串燒都好香，食落好有牛味，口感結實多汁。安格斯牛肉有牛味，刀功切得好薄。麻辣牛肉片每片都非常爽口，沾滿好多辣粉 ，加上吸曬d麻辣花椒味，好鬼刺激。見有唔少客人都叫既新鮮鵝腸 ，賣相唔錯 ，味道都香濃爽口 ，而且仲脆身 ，唔錯 ！我地仲叫左個手打丸，牛丸都幾多汁，墨魚丸有粒粒墨魚，好彈牙。今餐真係食得好飽，係好經典四川口味既麻辣火鍋 ，將軍澳比較少食辣既餐廳，呢間都幾特別。