寶哥火鍋 (已結業)

天氣開始轉涼，又係食火煱嘅時候，約咗幾個朋友去咗旺角花園商業大廈一樓寶哥火煱食飯，人齊之後上到食店，侍應招呼得好好，又推介有乜湯底介紹，朋友叫咗一個蟲草花水鴨湯和胡椒豬肚湯做火鍋湯底，包一個海鮮拼盤包括有大海蝦，鮑魚，大蜆，班片，其他配料有手打三寶丸，雞件，本地新鮮牛脷，手切封門柳牛肉，頂級安格斯牛小排，特級美國肥牛，湯底先到蟲草花水鴨湯味道好正，先放雞件落去，可以淥耐啲同更加好味，跟住就放海鮮嗱，海蝦味道鮮甜，鮑魚同大蜆都好大隻，班片肉好爽，再來係我至愛，牛肉系列，幾種牛肉賣相一流，封門柳好滑，安格斯牛小排好冧，飲品我地要咗黑啤，呢間寶哥火煱服務一流，雖然地方唔算大，但都座得舒服，下次可以再來。