醉胡爐 (已搬遷) 新店位置

一年四季都鍾意打邊爐嘅香港人 今次終於試到尖沙咀嘅醉胡爐打邊爐當日我哋一行九個人坐咗樓上有房嘅 裝修都算幾高級樓底高  我哋叫咗火焰龍蝦湯同麻辣湯底 嗰個龍蝦湯底先炒香配料 再落龍蝦 再放咗蕃茄湯落去同龍蝦一齊煲 咁我哋就飲咗個湯先 真係勁鮮甜勁好飲 因為我哋九個人比較多 所以叫咗一個大嘅牛拼盤 一碟牛頸脊 兩款牛肉都極度推薦 好重牛味好滑 我哋定位嗰陣時仲叫咗一人一位海鮮 有鮑魚有蟶子有蝦有蜆 鮑魚勁滑 聖子好鮮甜我哋都有叫到小食有鴨舌 勁啱送酒好入味又好滑 仲有叫到嗰啲脆雞粒 麻辣雞腎 同埋手拍青瓜 最驚喜呢度竟然有麒麟啤酒 我哋女仔就飲青檸梳打 又唔甜 正