火土燒肉

佔地5700呎、位於k11 art mall既火土燒肉以露營為主題，唔洗搭車去郊外都可以體驗露營圍住爐火燒肉既樂趣。帳篷、露營櫈、露營燈等露營設備一應俱全，連餐具都係露營餐具，極fun。𖦹 燒肉拼盤 $378有選擇困難如我既揀呢個拼盤就啱曬啦，一次過可以試到牛肋肉、香蔥牛舌、牛胸腹、豚肉燒、豚五花、雞腿肉，豬牛雞齊曬；其中以肉味濃郁既牛胸腹同埋偏薄切、勁爽口既香蔥牛舌表現最為突出。𖦹 月見醬燒飯團 $38 必須要試！必定要試！我地食完一個即刻嗌多一個，飯團外焦脆、香口，入面口感軟糯，配搭濃郁既蛋黃以及提味既醬油，顛覆了我對飯團既想像。𖦹 阿波酢橘雞腿肉 - 蒜香芫荽醬 $78 阿波酢橘雞係黎自德島縣嘅名物，雞肉脂肪較少而且肉質甘香嫩滑，帶淡淡嘅芫荽香氣。𖦹 柚子梅素冷麵 $58柚子、紫蘇味突出，麵條極滑溜，清新解膩。𖦹 清酒煮蜆 ＄48蜆肉大隻鮮甜，完全無沙。𖦹 松阪豬頸肉 －柚子胡椒 ＄98豬頸肉富嚼勁，加上柚子清甜嘅香氣更顯肉質細嫩。𖦹 蒜茸牛油金菇 $38熱辣辣煮好嘅金菇蒜味香濃，食咗多肉都要食返啲菜嘅。