影片
更多
2021-07-24
740 瀏覽
早排睇到呢間野評價唔錯，就叫左幾樣野試試佢啦，點知拎到番去一打開，真係小左出聲，完全懷疑呢到d評價係唔係請打手同個老細自己寫。嗱第一樣係剁椒拌皮蛋（$58），一打開有小小辣油嘅香，成碗野搵左大量嘅辣椒鋪底，然後將半隻皮蛋分成5小份放上去倒一堆碎到鼻屎咁嘅蔥花，呢個對比簡直係米芝蓮級，好佩服師傅嘅刀工，食落口有陣”縮”味都算啦，譚仔半份青椒皮蛋都冇嘅份量仲敢賣58蚊，好啦算啦試下第二樣先。第二樣就係杭州醬鴨半隻（$88），隻鴨望落好深色同乾身，似係鹵過一段時間再拎去焗，有兩條芫荽係面做點綴，一夾去先發現內有乾坤，哇巳經去左骨？但一食就發現係咸到曲街，咸到似係食左半樽鹽咁，肉質又霉仲有陣臭味添。如果要形容就似係朋友係大陸買落過嘅手信，個種即食嘅醬板鴨，去淘寶搵去骨個款就得，有理由懷疑係將即食醬板鴨叮完加兩條芫荽就算。第三樣重慶歌樂山辣仔雞（$98），個雞粒去左骨炸得唔錯夠脆口，不過調味方面就差左小小唔夠香辣同麻，除左雞仲有洋蔥，炸米通，好細粒嘅炸豌豆同埋黃飛鴻花生，係啊入面嘅辣椒就係黃飛鴻花生嘅去水辣椒乾，大家諗下辣子雞應該係將雞炸完再一齊猛火兜亂，但呢碟野個幾條洋蔥又油又生，辣椒就仲係乾
嗱第一樣係剁椒拌皮蛋（$58），一打開有小小辣油嘅香，成碗野搵左大量嘅辣椒鋪底，然後將半隻皮蛋分成5小份放上去倒一堆碎到鼻屎咁嘅蔥花，呢個對比簡直係米芝蓮級，好佩服師傅嘅刀工，食落口有陣”縮”味都算啦，譚仔半份青椒皮蛋都冇嘅份量仲敢賣58蚊，好啦算啦試下第二樣先。
第二樣就係杭州醬鴨半隻（$88），隻鴨望落好深色同乾身，似係鹵過一段時間再拎去焗，有兩條芫荽係面做點綴，一夾去先發現內有乾坤，哇巳經去左骨？但一食就發現係咸到曲街，咸到似係食左半樽鹽咁，肉質又霉仲有陣臭味添。如果要形容就似係朋友係大陸買落過嘅手信，個種即食嘅醬板鴨，去淘寶搵去骨個款就得，有理由懷疑係將即食醬板鴨叮完加兩條芫荽就算。
第三樣重慶歌樂山辣仔雞（$98），個雞粒去左骨炸得唔錯夠脆口，不過調味方面就差左小小唔夠香辣同麻，除左雞仲有洋蔥，炸米通，好細粒嘅炸豌豆同埋黃飛鴻花生，係啊入面嘅辣椒就係黃飛鴻花生嘅去水辣椒乾，大家諗下辣子雞應該係將雞炸完再一齊猛火兜亂，但呢碟野個幾條洋蔥又油又生，辣椒就仲係乾爭爭呢。
最後一樣就係鼎泰老壇酸菜魚（$138），個湯極之唔錯，唔會係死酸而又吊番小小甜味，酸菜亦唔似係香港個種。不過成盆用左半斤芽菜黎墊底，食到最後終於搵到兩條似係俾狗咬完usb大細嘅粉條，食落巳經煮腍哂好似上幾手煮到而家剩係個獲到送埋俾我啦咁。
好啦唔講咁多，總之價錢同質素完全唔成正比，到底係唔係用即食嘅撈落去呢，唔知，我就推薦大家黎食酸菜魚好啦。
張貼