金蘭花泰國菜 (已結業)

求其搵個唔識煮嘢食嘅阿伯都整得好食過佢，我寧願成世食麵包都好過再幫襯佢，連續三次食team lunch都落錯order，嘢食嘢飲偷工減料。裝修ok但坐低就見到好污糟。扮晒野唔出set lunch個甜品，望住張單見到我哋張枱無甜品碟都可以扮見唔到，跟住唔知咩事拎咗勁大碟甜品，原來想詐詐諦收多我哋兩百。最後佢哋係咁拖時間搞到乜甜品都無，因為成個鐘lunch hour已完。淨係識得呃外國人話自己「authentic Thai food」，我敢話全世界搵唔到100蚊港紙仲難食過佢嘅泰菜。如果唔係因為要焗住食team lunch我1毫子都唔會俾佢賺。