影片
更多
2021-09-24
61 瀏覽
今日我地放假就去咗試一間位於灣仔新開嘅omakase，因為午餐價錢相對便宜😂 午餐分咗兩個Set，分別係壽司12貫 ($498)同埋咲Saku ($1080)，我哋就揀咗壽司12貫試試！.⭐️茶碗蒸⭐️.前菜首先有一碗蒸蛋，處理時間恰到好處，非常滑入口即溶！蛋入面加左少許嘅醬油，提升左蛋嘅味道，仲有一粒白果係裡面！另一款前菜就係水雲醋物，味道酸酸甜甜，非常開胃！.⭐️壽司12貫⭐️今次有12款壽司分別係伊佐目，牡丹蝦，金目鯛，帆立貝，平靖魚，北寄貝，深海池魚，三文魚子，馬糞海膽，野生拖羅同埋蝶魚群邊！.北寄貝 - 今次要特別介紹吓呢個北寄貝，平時大家食開嘅都係紅白色，而其實新鮮即開即食嘅應該係白色至真！食落好爽口而且充滿鮮味！.深海池魚 - 咁多款魚入面，我最鍾意係深海池魚！師傅切得好厚身，咬落有種入口即溶嘅感覺👍 而且呢款魚味相對其他更濃郁！.三文魚子 - 平時食開嘅三文魚子可能會比較苦澀，而今次食嘅用醬油醃製得非常出色，食落好鮮甜而且每粒都脹卜卜！😍.馬糞海膽 - 今餐最期待嘅就係呢個馬糞海膽，份量非常之多，海膽已經完全掩蓋左啲飯，食落口佈滿住海膽嘅鮮甜味，當然唔少得有一塊脆卜卜嘅紫菜包住
今日我地放假就去咗試一間位於灣仔新開嘅omakase，因為午餐價錢相對便宜😂 午餐分咗兩個Set，分別係壽司12貫 ($498)同埋咲Saku ($1080)，我哋就揀咗壽司12貫試試！
.
⭐️茶碗蒸⭐️
.
前菜首先有一碗蒸蛋，處理時間恰到好處，非常滑入口即溶！蛋入面加左少許嘅醬油，提升左蛋嘅味道，仲有一粒白果係裡面！另一款前菜就係水雲醋物，味道酸酸甜甜，非常開胃！
.
⭐️壽司12貫⭐️
今次有12款壽司分別係伊佐目，牡丹蝦，金目鯛，帆立貝，平靖魚，北寄貝，深海池魚，三文魚子，馬糞海膽，野生拖羅同埋蝶魚群邊！
.
北寄貝 - 今次要特別介紹吓呢個北寄貝，平時大家食開嘅都係紅白色，而其實新鮮即開即食嘅應該係白色至真！食落好爽口而且充滿鮮味！
.
深海池魚 - 咁多款魚入面，我最鍾意係深海池魚！師傅切得好厚身，咬落有種入口即溶嘅感覺👍 而且呢款魚味相對其他更濃郁！
.
三文魚子 - 平時食開嘅三文魚子可能會比較苦澀，而今次食嘅用醬油醃製得非常出色，食落好鮮甜而且每粒都脹卜卜！😍
.
馬糞海膽 - 今餐最期待嘅就係呢個馬糞海膽，份量非常之多，海膽已經完全掩蓋左啲飯，食落口佈滿住海膽嘅鮮甜味，當然唔少得有一塊脆卜卜嘅紫菜包住😜
.
食完12款壽司之後，店員就會安排送上麵豉湯，上面佈滿蔥粒同埋海帶！另外，甜品同埋咖啡可以選一樣，今日嘅甜品係靜岡蜜瓜，喜歡生果嘅我倆選擇左蜜瓜！來自日本嘅蜜瓜超級鮮甜，入口溶化，推薦👍👍
.
惠 (灣仔)
📍灣仔謝斐道151-161號金聲大廈地舖
張貼
