影片
更多
2017-07-07
118 瀏覽
難得收早 接男朋友灣仔收工 佢話同事介紹佢食依加新開嘅幸屋 話有時lunch都幾多人冇乜機會試 所以早收工就決定試下佢。門口裝修十分有心思，好似去左大板個條食街啲鋪咁，掛滿燈籠好有日本風味。坐底，已經即刻有人問我地要水定茶，茶嘅話原來佢係成個茶包加杯熱水，有乜幸福過食完有d油膩嘅拉麵之後，有一杯咁濃郁嘅熱茶，仲要係我最愛嘅煎茶。職員都好細心遂一介紹啲拉麵，我地最後就揀左限定王同黑武士，佢地話黑武士係加左少少栗子蓉食落好特別，而且仲推介如果鐘意食硬啲嘅面嘅可以試下佢地特製嘅白面，所以我地兩個都一致決定食白面，仲叫左兩個小食，雞泡魚干同汁燒牛肩肉。限定王：依期限定係沾麵，佢地依到嘅沾麵比出面其他店特別，不論碗麵定個湯都十分足料，湯有海量嘅櫻花蝦，面有荀干、木耳、蔥、糖心蛋同燒過嘅豚肉，唯一美中不足係冇我鐘意食嘅京蔥，但係佢嘅bbq豚肉十分野味，為成碗拉麵加分；湯就好夠味，唯一係可以再濃郁啲，令d面可以再沾多啲湯，但味道方面係完全適中，唔會太淡或者太咸。黑武士：同出面啲拉麵店嘅黑蒜拉麵好似，唯獨係依到仲會加一堆肉醬係面，好似crossover左米線 擔擔麵咁，十分有創意，湯夠濃郁，超級好食呀
門口裝修十分有心思，好似去左大板個條食街啲鋪咁，掛滿燈籠好有日本風味。坐底，已經即刻有人問我地要水定茶，茶嘅話原來佢係成個茶包加杯熱水，有乜幸福過食完有d油膩嘅拉麵之後，有一杯咁濃郁嘅熱茶，仲要係我最愛嘅煎茶。
職員都好細心遂一介紹啲拉麵，我地最後就揀左限定王同黑武士，佢地話黑武士係加左少少栗子蓉食落好特別，而且仲推介如果鐘意食硬啲嘅面嘅可以試下佢地特製嘅白面，所以我地兩個都一致決定食白面，仲叫左兩個小食，雞泡魚干同汁燒牛肩肉。
限定王：
依期限定係沾麵，佢地依到嘅沾麵比出面其他店特別，不論碗麵定個湯都十分足料，湯有海量嘅櫻花蝦，面有荀干、木耳、蔥、糖心蛋同燒過嘅豚肉，唯一美中不足係冇我鐘意食嘅京蔥，但係佢嘅bbq豚肉十分野味，為成碗拉麵加分；湯就好夠味，唯一係可以再濃郁啲，令d面可以再沾多啲湯，但味道方面係完全適中，唔會太淡或者太咸。
黑武士：
同出面啲拉麵店嘅黑蒜拉麵好似，唯獨係依到仲會加一堆肉醬係面，好似crossover左米線 擔擔麵咁，十分有創意，湯夠濃郁，超級好食呀。自己製嘅白面好彈牙，但點左正常軟硬度都係偏硬身的，建議食唔慣太硬嘅面嘅人可以圈軟。
汁燒牛肩肉：
個汁十分好食，有係日本思出橫丁食到嘅味道，味道同肉質量都十分好，最衰唔係好餓，咪一定會叫多幾串。
燒雞泡魚干：
燒得剛好好有心機，唔會太硬，軟軟地正呀，職員話因爲加左味醂，好食過出面好多店嘅燒雞泡魚干。
張貼
