彩羽壽司家 (已改名) 查看

今日天氣咁熱🌦️，中午想食D開胃嘢，見［彩羽壽司家］新開店又剛剛開舖，於是就走咗入去(好彩咁啱有位咋，原來要Book位㗎!)坐喺Bar枱上，可以清楚睇到師傅嘅用心製作，我覺得每件食物就好似藝術品一樣，一件一件呈現喺我眼前，我真係好享受呢種感覺😍！師傅好細心，會問我有D咩食物敏感或偏好，好照顧每一位客人嘅需要，讚👍🏻。講番食物質素，我覺得性價比高，而且比我想像中豐富同多元化，食材新鮮、煮嘅亦都好好食😋，尤其係煙燻鰹魚，簡直係有驚喜❤️食完呢餐真係覺得好滿足+好開心😀。一邊食嘢，師傅會問吓我D嘢啱唔啱食，叫我俾D意見，Haha…乜我個樣似食評家咩🤣我覺得肯聆聽客人意見，仲可能會受到批評，呢種專業態度值得敬佩💪🏻。經過呢一餐後，我相信我一定會再有下次，因為我想試吓其他唔同款式嘅食物，不過我會預約咗先㗎喇🥰