更多
2020-02-21
403 瀏覽
魚肉碗仔翅同茶葉蛋又平又好食,茶葉蛋非常入味好香,連蛋黃都有茶葉味。唔想食碗仔翅嘅都可以淨係食生菜魚肉,非常足料。如果買魚蛋燒賣仲可以配飲品早餐最佳選擇。燒賣一定要落店舖秘製嘅辣椒油,咖喱魚蛋就要落沙嗲辣汁。雞蛋仔又香又脆,脆得來又唔會好似其他雞蛋仔咁空心得個殼。食物價錢都比其他店平,灣仔區難得見嘅高質平價小食店,平得來食物水準亦唔會比其他店舖差。阿姐態度亦都好好,宜家仲會免費送板藍根比有需要嘅人,良心企業每次經過都會幫襯。
張貼