壽司廣 (已結業)

已差不多大半年無來過此店了，今天這店好靜，午市食客佔店內坐位一半也不夠。我們12:30來到，可能因為人少，今次居然可以坐壽司吧枱，來過廿次都未試過，亦可能之前好多時都walk-in啦。1.自選16件壽司御膳 $390 ~ 件件都好味，海膽都好新鮮，唯熟蝦個樣假假哋咁，不過味道絶對無問題。2.吞拿魚壽司御膳 $360 ~ 其中的2件拖羅勁正，唔會太多魚油的感覺，所以唔會膩。 吞拿魚沙律的醬汁都好好味，三片半生熟的吞拿魚其實無咩味道。飯後餐飲甜品二選一，但今次居然又有餐飲又有甜品。不過杯咖啡超唔掂，一點咖啡味都無。甜品是豆腐紅豆布甸，好好味，因為沒有太甜，沒搶走紅豆的味道。