旺記冰室 (大本型) (已結業)

早餐做到11:30。最岩黎食個brunch。餐廳啲位算密不過唔迫。亦都有卡位。服務幾好。有侍應見到有個客撥涼主動問駛唔駛調位。以茶記水平絕對係優質服務。叫左午餐肉茄通+多士炒蛋+凍奶茶。茄湯好濃杰。似撈通粉多過湯通粉。有濃濃甜甜地嘅蕃茄味。通粉非常爽口。一啲都唔粉。午餐肉切到大大粒。同埋炸過有誠意。不過因為係預炸。上到枱時已經唔脆有少少硬。多士係用麥包。麵包密度高。唔會一咬就扁哂。炒蛋用4.3牛乳炒。食落滑就滑。份量亦都足。不過冇乜蛋香/奶香味。凍奶茶少甜都仲係好甜。下次應該要少少甜。係同區比較高質嘅茶餐廳。