神山麺屋 (創紀之城五期(apm))

營業中

休息中

呢日心血來潮想食拉麵，咁岩朝早有事要到官塘，就到APM的神山麵屋買外賣返去慢慢食，見到佢個招牌占汁麵好吸引所以就試吓。占汁麵同拉麵最大嘅分別，就係占麵嘅湯同麵條係分開上，每次夾少少麵沾落湯內進食，所以湯底會比較濃味，麵條亦都會做得比較粗。神山占汁麵湯汁濃稠好入味，麵條較粗身，食落煙韌有口感；厚燒豚肉微微焦香，鎖緊肉汁，咬落一啲都唔韌，加上油脂甘香，入口即化，配埋溏心蛋真係好正！叉燒占汁麵有三種湯底選擇，我就揀左白神山(豚骨湯底) ，味道鮮甜亦相對冇咁濃稠，叉燒薄身又大塊！我仲追加左武藏煎餃子同炸雞，炸雞份量都幾多，外皮夠脆肉夠嫩，配埋芥茉醬可以中和返油膩感。