阿木台灣麵 (豉油街) (已搬遷) 新店位置

今日去旺角, 朋友未放工, 去食個午餐先. 行過見到呢間以為係賣台灣食品舖, 點知原來裡面有嘢食. 食品全部都係台灣製造, 有好多都係自家製品牌添, 有鳳梨酥, 乾果, 肉乾, 仲有糉等等.店內裝修簡約, 以木製為主, 感覺舒適.紅燒牛肉麵點左台灣名物既紅燒牛肉麵, 麵質彈牙爽口, 唔會太軟太腍, 相當好, 牛肉帶少筋, 超級非常腍, 入口即溶, 唔使點咬, 湯底濃, 好多蔥, 如果唔太鍾意蔥既朋友記得走蔥, 呢度多數食物都可以選擇多飯, 多肉燥, 走蔥, 走酸菜等, 符合各人口味.炸花枝丸熱辣辣, 外面炸到脆卜卜, 裡面彈牙花枝. 好好味!台式檸檬紅茶本來想叫珍珠奶茶, 見到有台式檸檬紅茶, 試下同港式有咩唔同, 都有香檸檬味, 但茶味更濃. 係炎夏一個好選擇!