影片
更多
2021-05-25
57 瀏覽
上次試左太子分店嘅米走雞，實在唔錯，所以最近又再食佢嘅芝士雞煲，不過我地今次就去左長沙灣分店。長沙灣分店並唔係佢哋自己嘅專門店，而係同嘆得起冰室合作嘅，所以餐廳入面除咗可以食到米走雞嘅火鍋之外，仲可以叫嘆得起冰室嘅小菜，而朝早亦都會有普通茶餐廳嘅早餐。🔸黃金芝士雞煲（小）專程再黎食呢一個黃金芝士雞煲，同樣選擇左激量嘅芝士！開頭都有擔心餐廳唔係專做雞煲，質素會唔會有分別，點知佢哋比專門店做得更好食。芝士嘅份量真係好多之餘，亦都睇得出佢哋用咗兩款不同嘅芝士，味道比上一次食更加濃郁，芝士嘅拉絲效果亦都更加好。食完呢個芝士雞煲之後，就可以選擇加湯，店員就主動幫我哋加咗雞湯，其實我哋今次想試吓雞湯嘅。如果想試芝士湯嘅朋友，就可能要同店員講明要加芝士湯。由於今次芝士嘅份量比上次更加多，所以我哋食嘅時候就拎起咗啲芝士，等最後食烏冬嘅時候都可以有芝士。但係芝士嘅味道竟然仍然十分濃郁，真係一試難忘。▪️火鍋配料今次我哋就叫咗哈哈蝦中寶、炸響鈴、鳳城水餃、菠菜豬肉餃、生菜同埋烏冬，兩個人食已經夠哂飽，而且加埋烏龍茶同可樂，兩個人埋單都只係$500，十分抵食。我自己覺得哈哈蝦中寶係幾特別，而且好足料，以蝦膠再
長沙灣分店並唔係佢哋自己嘅專門店，而係同嘆得起冰室合作嘅，所以餐廳入面除咗可以食到米走雞嘅火鍋之外，仲可以叫嘆得起冰室嘅小菜，而朝早亦都會有普通茶餐廳嘅早餐。
🔸黃金芝士雞煲（小）
專程再黎食呢一個黃金芝士雞煲，同樣選擇左激量嘅芝士！
開頭都有擔心餐廳唔係專做雞煲，質素會唔會有分別，點知佢哋比專門店做得更好食。
芝士嘅份量真係好多之餘，亦都睇得出佢哋用咗兩款不同嘅芝士，味道比上一次食更加濃郁，芝士嘅拉絲效果亦都更加好。
食完呢個芝士雞煲之後，就可以選擇加湯，店員就主動幫我哋加咗雞湯，其實我哋今次想試吓雞湯嘅。如果想試芝士湯嘅朋友，就可能要同店員講明要加芝士湯。
由於今次芝士嘅份量比上次更加多，所以我哋食嘅時候就拎起咗啲芝士，等最後食烏冬嘅時候都可以有芝士。但係芝士嘅味道竟然仍然十分濃郁，真係一試難忘。
▪️火鍋配料
今次我哋就叫咗哈哈蝦中寶、炸響鈴、鳳城水餃、菠菜豬肉餃、生菜同埋烏冬，兩個人食已經夠哂飽，而且加埋烏龍茶同可樂，兩個人埋單都只係$500，十分抵食。
我自己覺得哈哈蝦中寶係幾特別，而且好足料，以蝦膠再加上蟹籽、芹菜同埋原隻中蝦，用料十足，啖啖都係蝦肉，口感爽脆。
咁濃郁嘅芝士湯，最後真係要留肚食個麵先係最佳享受，想邪惡啲嘅可以食公仔麵，我自己就覺得烏冬都係一個唔錯嘅選擇。呢度嘅烏冬係用急凍烏冬，麵條偏幼身。口感滑溜且不帶酸味。最後加個烏冬真係非常滿足。
張貼
