影片
更多
2019-11-15
154 瀏覽
之前經過佐敦都見呢間「響」燒肉放題好似好吸引，聽食過既朋友講，質素都相當唔錯，所以都想同朋友嚟試下。雖然係任食既放題，但環境就似高質既日本料理店，裝修別致，坐得舒服而且有空間感，好岩同朋友一齊食野傾計。飲品方面都好多選擇，酒精類都有好多款，除左紅酒﹑白酒﹑清酒﹑仲有女仔岩飲既水果酒﹑同唔少無酒精飲品。好快就送上刺身拼盤，賣相已經好吸引，有北海道帶子、海膽、有頭甜蝦、油甘魚、三文魚、八爪魚，再加一款是日空運魚生，賣相唔錯，味道亦不輸蝕，尤其北海道帶子夠曬鮮甜﹑海膽亦好新鮮肥美。肉類拼盤都好豐富，淨係澳洲和牛都有唔同既部位選擇，例如西冷、肉眼、胸腹，加埋米澤三元豚腩片﹑付骨雞肉腸等等，睇見真係流曬口水。首推必食和牛西冷，肉味香濃，帶有油花，和牛肉眼都唔錯，肉質軟腍香口，多汁嫩滑。而且每人都有半邊凍龍蝦，足足有手掌咁大，味道都唔錯，仲好多蝦膏。串燒方面都好多選擇，我就比較鍾意雞軟骨串，加上店家既岩鹽同燒肉汁，更加惹味。不過食肉之餘，都可以食下沙律、同埋燒下蔬菜，和牛沙律好開胃，沙律菜夠爽脆。食到咁上下仲可以去雪糕櫃，Movenpick都有成3隻味，仲有Dreyer's同Gelato食，女仔睇
雖然係任食既放題，但環境就似高質既日本料理店，裝修別致，坐得舒服而且有空間感，好岩同朋友一齊食野傾計。
飲品方面都好多選擇，酒精類都有好多款，除左紅酒﹑白酒﹑清酒﹑仲有女仔岩飲既水果酒﹑同唔少無酒精飲品。
好快就送上刺身拼盤，賣相已經好吸引，有北海道帶子、海膽、有頭甜蝦、油甘魚、三文魚、八爪魚，再加一款是日空運魚生，賣相唔錯，味道亦不輸蝕，尤其北海道帶子夠曬鮮甜﹑海膽亦好新鮮肥美。
肉類拼盤都好豐富，淨係澳洲和牛都有唔同既部位選擇，例如西冷、肉眼、胸腹，加埋米澤三元豚腩片﹑付骨雞肉腸等等，睇見真係流曬口水。
首推必食和牛西冷，肉味香濃，帶有油花，和牛肉眼都唔錯，肉質軟腍香口，多汁嫩滑。
而且每人都有半邊凍龍蝦，足足有手掌咁大，味道都唔錯，仲好多蝦膏。
串燒方面都好多選擇，我就比較鍾意雞軟骨串，加上店家既岩鹽同燒肉汁，更加惹味。
不過食肉之餘，都可以食下沙律、同埋燒下蔬菜，和牛沙律好開胃，沙律菜夠爽脆。
食到咁上下仲可以去雪糕櫃，Movenpic
k都有成3隻味，仲有Dreyer's同Gelato食，女仔睇見都心心眼。
整體質素唔止高，而且用料仲好足本，今餐真係食得好飽好滿足。
張貼
