影片
更多
2024-05-02
32 瀏覽
見到封面十分澎湃嘅台式料理，應該唔難估出係來自壹.01 台式料理嘅出品！回顧上次食記已經流口晒水...🤤🤤🤤佢哋嘅出品口味正宗地道之餘，定價十分親民！今日要去觀塘幫屋企人拎啲嘢，再會一會佢先👣趕得及喺臨關店前買個外賣返屋企嘆😆明明.我不是章魚燒名字處於容易令人誤會與非之間，原來係將彈牙嘅墨魚丸做成章魚燒模樣，加上明太子醬後再灑上柴魚絲，係豐富得嚟又有趣嘅食法～比起麵粉做成嘅章魚燒更好食😚脆炸鮮奶卷•古早芋泥二文治脆炸鮮奶卷一如以往爆香奶味，無花無假！脆炸鮮奶卷外表金黃酥脆，內裡香濃嫩滑，一啖咬落去酥皮碎裂，入口一啲都唔油膩～所以唔會好熱氣！至於古早芋泥二文治係由兩塊餅乾夾住滿滿芋泥內餡製成，芋泥口感綿密紮實而且芋香十足，無油耗味，炸得剛剛好，大家一定要試試～薑蔥蜜汁排骨飯幾乎每一次嚟都會見到最少有一位現場食客叫排骨飯，其實唔難理解，剩係一塊比臉更大嘅蜜汁排骨都已經值回票價～肉香撲鼻而來，重點係肉汁完整保留喺肉入面，調味係鹹香帶點甜嘅味道，夾埋薑蔥令到成個飯嘅層次好豐富，大量嘅蔥花亦係"神隊友"為整碗飯加分😁拉絲芝士火腿蛋餅講咗成個禮拜話要食台灣蛋餅～橫掂未知幾時先可以飛去台灣，呢度嘅蛋
見到封面十分澎湃嘅台式料理，應該唔難估出係來自壹.01 台式料理嘅出品！回顧上次食記已經流口晒水...🤤🤤🤤佢哋嘅出品口味正宗地道之餘，定價十分親民！今日要去觀塘幫屋企人拎啲嘢，再會一會佢先👣趕得及喺臨關店前買個外賣返屋企嘆😆
明明.我不是章魚燒名字處於容易令人誤會與非之間，原來係將彈牙嘅墨魚丸做成章魚燒模樣，加上明太子醬後再灑上柴魚絲，係豐富得嚟又有趣嘅食法～比起麵粉做成嘅章魚燒更好食😚
脆炸鮮奶卷•古早芋泥二文治脆炸鮮奶卷一如以往爆香奶味，無花無假！脆炸鮮奶卷外表金黃酥脆，內裡香濃嫩滑，一啖咬落去酥皮碎裂，入口一啲都唔油膩～所以唔會好熱氣！至於古早芋泥二文治係由兩塊餅乾夾住滿滿芋泥內餡製成，芋泥口感綿密紮實而且芋香十足，無油耗味，炸得剛剛好，大家一定要試試～
薑蔥蜜汁排骨飯幾乎每一次嚟都會見到最少有一位現場食客叫排骨飯，其實唔難理解，剩係一塊比臉更大嘅蜜汁排骨都已經值回票價～肉香撲鼻而來，重點係肉汁完整保留喺肉入面，調味係鹹香帶點甜嘅味道，夾埋薑蔥令到成個飯嘅層次好豐富，大量嘅蔥花亦係"神隊友"為整碗飯加分😁
拉絲芝士火腿蛋餅講咗成個禮拜話要食台灣蛋餅～橫掂未知幾時先可以飛去台灣，呢度嘅蛋餅真係唔叫唔得！我鍾意佢哋嘅蛋皮整到厚薄適中，軟嫩中帶點微微煙韌口感！同台灣食到嘅味係一樣，好食到令我一再encore～芝士同火腿比例剛好，夾埋上面嘅醬一齊食好正，止到心癮！
爆珠馬蹄椰子水食咗咁多嘢，飲啖椰子水就清新又解渴，瞬間精神晒！椰子水甜味夠天然，好似新鮮椰子咁清甜，用飲管吸入爆珠馬蹄，輕咬即破會產生有趣嘅口感，值得一試🫧
黑糖珍珠奶茶
邊嘆住手搖飲料，邊食住台式美食，先係最正嘅台灣味～一於叫多杯黑糖珍珠奶茶，濃濃黑糖、奶香濃郁，搭配陣陣茶香，甜而不膩✨
張貼
