胡爐 (已結業)

「胡爐」除左係尖沙咀H8有一店，近排發現佢係銅鑼灣百樂中心呢幢銀座式餐飲食肆大廈也有一分店，趁仲係冬天，都想打埋最後幾次邊爐，而友人都係港島返工，所以揀左銅鑼灣分店。裝潢行中式古典風，木系屏風、木凳，以及金黃色及印有雕刻紋既瓦碗碟等等，都能散發出那傳統中式風格。爵士佛跳牆湯鍋 ($398): 相當奢華既一個火鍋湯底，有鮮鮑魚、海蔘、螺片、魚翅及金華火腿，湯底鮮味濃郁，有金華火腿調味，湯底更為鮮香。食火鍋前，可先飲飲湯，食下各式名貴湯料。鮑魚鮮味，爽口彈牙；海蔘質感爽滑，份量都唔少；而螺片可謂唔錯既襯托，整個佛跳牆鍋都幾有性價比，並唔係有錢人專享，可謂Affordable Luxury...... 飛禪A5和牛 ($338/小): 雖份量不多 ，但重質不重量，光看這個賣相已食指大動，牛肉帶有大量脂肪，油香極為豐富，食落除左肉香豐富外，油香亦十分突出，友人嘖嘖稱奇！牛骨牛汁丸 ($88/全份): 丸類當中必食之選，爽滑牛丸夾心含有豐富牛骨牛汁，牛味極之濃郁到位。花雕鮮雞件 ($138/小): 採用半隻鮮雞，因此價位比一般冷鮮雞稍高。以杞子花雕酒醃製，酒香撲鼻，濃郁入味，唯獨是雞肉不夠嫩滑.