醉潮館

營業中

休息中

邊個話你知食潮洲菜一定要打冷架？呢間食潮洲菜就比較偏向中菜款式，好多都好吸引有乳鴿就一定要食㗎啦，一嚟到見到個乳鴿放咗喺個雀籠裏邊，有少少內疚感，好似真係食咗隻雀咁，不過乳鴿整得好好食，皮脆肉軟，叫咗一隻就同朋友一人半隻，之後叫咗個麻辣田螺大腸煲，個煲一嚟到勁香麻辣味，每一隻田螺都好大隻，份量亦都好多好多，而大腸亦都事先醃製過，所以比較入味，份量亦都係好多，成個煲滿滿的，辣味亦都尚算OK，唔算太辣，亦都唔會冇辣味，之後再叫咗個卜卜蜆鍋，佢有一鍋同半鍋份量俾你選擇，因為我同朋友只係兩個人，所以我哋叫左半鍋，一嚟到我哋一見到都已經覺得好多好多，超級多隻沙白，每隻都大大隻，我諗如果一鍋嘅話份量應該係相當之多，而佢半鍋都只係百幾蚊，好抵食👍🏻👍🏻👍🏻個蜆鍋除左有沙白之外，底層仲有幾舊粟米，白蘿蔔片，包你食到飽一飽。