潮洲滷 (已結業)

今日同大學同學聚會，每人都拎左d野食。行開灣仔，見面前去左石水渠街一家潮洲滷水店斬料。門口都貼左幾張明星合照，小小的鋪頭睇落都幾有名氣。傍晚去，好多都已經賣哂。不過好好彩仲有滷水鵝。仲叫左鵝腸，豆腐，雞蛋，試多幾款唔同。滷水鵝，絕對要試。滷得入味！幾乎唔使點附上的滷水汁都已經足夠，而且肥瘦平均，食落無欺場，果真夠哂真材實料！而另外叫的鵝腸都好爽牙，唔會硬到好似食像筋一樣。做送酒的小食真係一流！潮洲滷位置在街市附近，買都好方便。不過真係要早d去，咁就可以試到更多小食！