潮滋味 (已搬遷) 新店位置

平日間中都會去石門搵野食，但通常去京瑞一期，今日要去二期攞包裹，攞完經過「潮滋味」，老闆派傳單，好有禮貌咁話「我地有位坐架」。我望一望舖，舖細細，未見有位，原來喺對面另有一間細舖有位坐。佢地賣潮式麵、腸粉、小米，有唔同套餐組合，例如「腸粉+小米+紙包飲品」，但我唔太餓，只外賣「蝦米菜脯腸粉」一試，28/份，老闆即時整。腸粉唔係配豉油，而係汁，唔咸，附送辣椒油，味道啱啱好。腸粉好滑，裡面有生菜、菜脯、蝦米」，料同腸粉比例剛好。順帶一提：佢地係家庭式經營，老闆娘笑容親切。下次都會幫襯