潮滋味 (已搬遷) 新店位置

坐低冇耐，我處理緊細路，呀媽叫野食，問多幾句就態度極差「人均四十，可以唔計個細路」，你冇寫明唔緊要，你計埋細路我都冇所謂。但態度好似鄙視緊我哋冇錢食？霸住佢個位咁（其實冇人等緊）😂乜事呀？其實我哋成日幫襯，心諗舖頭擴大可以坐舒服啲。但今次受氣嘅經驗，我媽嬲住食，嬲住走。冇拿拿俾人鬧咁。都不再光顧了。

在我工作的沙田石門區，於短短的一年間，竟然成為了沙田其中一個美食集中地。當中，更不缺乏家庭式經濟的所謂 "個體戶" 小店。這一天心情好，一個人就想去尋訪一些未去過的小店。而眼見京瑞廣場二期的《潮滋味》，原來有堂食的位置 (我一路以為只做外賣)。既然有得坐，那我就一於來一嚐來自潮州的小吃味道啦。潮州的食，多不勝數。本來的我，心想是來食腸粉的。但，當我看見一些從未見過的小食名稱，心又暗中歡喜來，很想一嚐這是乜東東。所以我要了一個牛肉餅湯加小米套餐。牛肉餅湯，是什麼樣的肉餅呢? 原來這是一個形狀獨特的牛丸。不過，我絕不能稱其為牛丸，因為這不是圓形的波波，而且潮州一對食非常之講究，對食品的稱呼也嚴謹。所以，最好不要叫錯。面前的牛肉餅，是扁平的類牛丸小吃，入口非常之爽口，而且這是薄薄的一片，牛肉味更容易散發出來。此外，因為形狀扁平，爽口煙韌得來又易咬易入口，再配合一個帶點胡椒味的清湯，更好就伴少少辣椒油一起來，味道妙。小米，是一個類似潮州粉果的東西。以蝦米、豬肉、冬菇、冬菇做饀。外皮十分之煙韌，比起潮州粉果的皮更有口感。內餡因為有豬肉同蝦米，咬開口，散發出來的那一份香味是超過100分的。點一點他

其實都知道呢間舖頭開咗好耐, 但硬係冇乜興趣食潮汕嘢, 所以都冇專登去試, 但上次幫襯佢隔離間麵舖, 走時見到佢有樣嘢叫"小米", 個樣似潮洲粉果, 不過細粒d, 好似幾得意, 所以有少少心思思想試~ 是晚唔係好餓, 於是嚟望下有冇位, 有位就試下, 行過果時其實見full哂, 但疑似老闆娘係咁叫話有位, 莫非我地兩個都發雞盲? 原來門口張2人預備走, 所以叫我地等等~ 老闆娘即刻執枱抹枱, 拎咗張單張同兩兜辣椒醬, 等我地慢慢睇~ 通常第一次幫襯, 都係會有d心大心細, 諗唔掂食乜, 其實我地係因為見佢大部份都係有牛, 所以先諗唔掂食乜, 後來疑似老闆行過嚟, 見我地响有限的選擇仲心大心細, 問駛唔駛介紹下, 我當然唔客氣, 問下咩叫"小米"? 原來係豬肉餡加大地魚粉, 知道唔係牛肉餡, 當然放心選擇~佢呢度分開兩個舖位, 1個係廚房+收銀, 另1個係堂食座位, 咁諗掂之後要行返去收銀落單, 然後等上菜~ 隔咗一陣, 老闆拎飲品嚟時問我地食唔食芫茜、蔥, 未試過有舖頭會咁樣問, 真係細心~叫咗兩個套餐, 因為點計都係套餐抵食過散叫~A1 潮式腸粉+小米+九毛膏C3 魚丸湯+小米+紙包

間中係石門返工既我，今日唔係太肚餓既我於是就上左京瑞商場尋找一啲特色小食，間鋪位置有少少隱蔽，細細間甘係角落頭位置，鋪頭對面有個小鋪可以坐底堂食，平時就喜愛食腸粉既我一見到哩間腸粉鋪就當然要幫襯下，試下好唔好味有單點，有套餐，為食既我選左個B1套餐，潮式腸粉+ 牛肉餅湯同一包紙包飲品 ($45)，價錢中等，不算貴⋯⋯俾完錢就要去等位啦，小鋪只能坐12-14人，所以很快就坐滿人，一坐底就送了餐具同點既牛肉餅湯過黎，有人送餐幾好，唔洗擔心行開就無左位牛肉餅湯 - 有十小粒，幾彈牙，湯也還可以潮式腸粉 - 有豬肉，生菜，同蛋，配自家制香菇汁，腸粉幾滑，香菇汁有香菇味但略嫌唔夠濃味，唔夠咸，於是打開盒辣椒醬，試左一啖有驚喜，似係老闆自家制，唔會太辣，反而有好香既蒜味，撈腸粉食超惹味，好快就食曬一盒腸粉總體黎講四十幾蚊一個餐，味道同食物質素都唔錯，值得回頭食多幾次，小店仲有小米粒，聽隔離台講都唔錯，下次要叫黎試下先得唯一唔鐘意既地方就係：餐具全部都係膠盒，唔係甘環保，好似附近其他小店都有同樣問題，大部分都用外賣盒比較多希望日後有所改善

今日同fd去石門京瑞廣場行街。石門依家好多嘢食。行行下見到間潮州小食。我地三個叫左菜茶&小米&腸粉&牛丸牛腩米線。超級好好味。E間係家庭式，老闆娘好nice。話辣椒醬係老闆娘自己整。👍🏻環境唔錯，好乾淨另有多位坐。朋友都讚👍🏻下次會再次幫襯。

終於食得到家鄉菜茶，腸粉及小米，價錢及分量相比其他潮式小食店較優勝，可惜菜茶只得星期三、六才有供應，最好預留，否則無得食就掃興(如想要用茶，就要自備喇!)，即拉腸粉軟滑好食，加上自家制醬汁就更好味。

石門開左好多餐廳, 呢間未試過!今日經過, 又唔係好肚餓, 見呢間野買又有湯又有腸粉, 小食呢D, 好合適我呢d lunch 唔係好肚餓又想食少少野ge人!見佢鋪頭細細, 就左叫外賣。叫左呢個餐, 47蚊!賣ge時候已經覺得貴貴地嫁啦, 不過未幫襯過, 即管試下好唔好食啦!點知!!!整體黎講我係好失望。全部野冇話好好食又唔未到難食就係普普通通的腸粉同湯用47蚊買呢個普普通通ge餐唔係太值淨係個湯, 散叫都要廿幾蚊, size只係比包紙巾大少少食落只係普通味精清湯同肉丸...

石門京瑞廣場真係越來越旺，越黎越多野食。因為係公司附近，所以我就試左呢間潮式小店，因為鋪仔細細位置唔多，又唔想同人逼，所以我揀左外賣自取攞返公司食。佢似係家庭式經型，見到店主爸爸係飯市忙既時候都有黎幫手傳下菜。因為我平時好少食潮州野，所以睇到佢有套餐，仲包野飲，就點左套餐A，包潮式腸粉加小米十二粒加一包紙包飲品，四十五蚊黎講都可以話係呢區比較平既選擇﹗先講潮式腸粉，同平時食到既腸粉唔同，佢係唔係腸粉包住D料，係D料撈埋腸粉去蒸再加個汁，料有冬菇、肉碎、菜圃、生菜、蔥花等等，腸粉好滑，連埋D料一齊食好惹味，不過對我黎講咸左DD，但佢係好食好足料既﹗然後小米真係我第一次食，完全之前未聽過。先講果皮有D似蝦餃/粉果果種皮，煙煙韌韌甘，內餡係豬肉，食得出係用左肥豬肉，所以好有油香，佢係一口一粒既大細，因為用左肥豬肉整，所以食多幾粒就好飽﹗整體黎講，小店但好有水準，不過可能因為自己真係小食潮州野，所以會覺得咸D左同油左D，但佢真係好食，只係我唔太食得慣姐﹗

最近開了多間潮式腸粉專門店，這間位於石門的潮滋味，老闆娘是潮汕人，多款配料如菜脯、蝦米、牛肉餅等都是從潮州運來，特別地道。潮式腸粉不算很滑但有點米香，醬汁是自家製的冬菇醬汁，普通腸粉配料比較少，價錢倒優惠，＄23頗大份，轉餐＄45可配海豐小米及盒裝飲品，小米如小粉果，口感煙煙韌韌。 而我再試了蝦米菜脯腸粉，轉餐＄50可配牛丸，牛丸爽口彈牙有牛香，另加 $10 轉飲品九毛膏，是海豐小吃，像白色的涼粉，其實是狗毛膏草的植物煮後放涼的天然果凍，口感爽脆，清涼解暑，加入西米，伴上少許糖漿和煉奶，一點也不甜，很適合我。 點了牛腩拼牛肉餅麵，選了上海麵，湯底氣味香濃，牛腩濃香腍滑，牛肉餅爽口，加入潮州酸菜加分不少，很惹味。舖面做外賣，但對面設有另一舖位可以堂食，乾淨企理，歡迎大家前來試試。 潮滋味沙田石門京瑞廣場二期1樓101A8號鋪 注 : 鄰近石門地鐵站，京瑞廣場有時租停車場。 #hkfoodblogger#hkfoodies#食評分享#餐廳食評#石門美食#潮州小食#潮滋味#獨自開餐#三五知己

石門京瑞廣場食店愈開愈多，連鎖集團、快餐店、各國美食、小店，應有盡有。所以每星期總有一兩日係石門開飯，總有一間岩心水。最近因為工作關係所以常常到京瑞二期取貨，正好可以發掘一下二期既美食。這間小店位於商場最入的角落，所以平常行街都好少經過，但就因老闆娘熱情推介，所以就試左一次佢地既潮式腸粉，結果試過一次就返唔到轉頭，每次去開石門就一定要食佢地腸粉。今日試左蝦米菜脯腸粉（$28）原來都係用潮式腸粉做底，配料有豬肉碎，蛋，生菜及蔥，再額外加左蝦米及菜脯提升左鮮味及口感。將配料及米漿放入蒸熟就鏟起上店，再淋上自家調製的冬菇醬汁，味道唔太咸，再增添一份香味。食過幾間潮州腸粉，好多一係就粉皮太厚，一係就餡料太少，唔均勻。但依間粉皮做得又薄又滑，餡料平均散布在腸粉上，係食過咁多間入面最有心機，做得最好。鐘意食辣既可以問佢拎埋辣椒，唔係一般既辣椒油，亦係老闆新鮮自製。暫時只有三款腸粉，如果未來有更多唔同配料選擇就好了。

平日間中都會去石門搵野食，但通常去京瑞一期，今日要去二期攞包裹，攞完經過「潮滋味」，老闆派傳單，好有禮貌咁話「我地有位坐架」。我望一望舖，舖細細，未見有位，原來喺對面另有一間細舖有位坐。佢地賣潮式麵、腸粉、小米，有唔同套餐組合，例如「腸粉+小米+紙包飲品」，但我唔太餓，只外賣「蝦米菜脯腸粉」一試，28/份，老闆即時整。腸粉唔係配豉油，而係汁，唔咸，附送辣椒油，味道啱啱好。腸粉好滑，裡面有生菜、菜脯、蝦米」，料同腸粉比例剛好。順帶一提：佢地係家庭式經營，老闆娘笑容親切。下次都會幫襯

女友到石門學做小手工，自己無無聊聊周圍行，石門附近都幾多餐廳選擇，不是太肚餓，經商場見到呢間小吃麵店正合我意，兩口子叫了一人一碗面，別加一小食套餐，剛好！都好飽喔！自己叫了牛腩拼牛肉丸幼麵，女友叫了牛肉餅牛丸米粉，牛腩夠林，夠入味，牛肉丸彈牙，牛味夠！湯底夠味，小食套餐有潮式腸粉，小米，加一紙包飲品，潮式腸粉內有生菜、豬肉、雞蛋，蔥，，味道不錯，腸粉滑，可以一試。小米好像細細粒的小粉果，幾特別，味道還可以。總括來說可以一試，但價錢略為貴少少!另一美中不足的係全部用即棄餐具。希望日後有所改變啦！