影片
以上資料只供參考, 請與餐廳確認詳情
坐低冇耐，我處理緊細路，呀媽叫野食，問多幾句就態度極差「人均四十，可以唔計個細路」，你冇寫明唔緊要，你計埋細路我都冇所謂。但態度好似鄙視緊我哋冇錢食？霸住佢個位咁（其實冇人等緊）😂乜事呀？其實我哋成日幫襯，心諗舖頭擴大可以坐舒服啲。但今次受氣嘅經驗，我媽嬲住食，嬲住走。冇拿拿俾人鬧咁。都不再光顧了。
繼續閱讀
在我工作的沙田石門區，於短短的一年間，竟然成為了沙田其中一個美食集中地。當中，更不缺乏家庭式經濟的所謂 "個體戶" 小店。這一天心情好，一個人就想去尋訪一些未去過的小店。而眼見京瑞廣場二期的《潮滋味》，原來有堂食的位置 (我一路以為只做外賣)。既然有得坐，那我就一於來一嚐來自潮州的小吃味道啦。潮州的食，多不勝數。本來的我，心想是來食腸粉的。但，當我看見一些從未見過的小食名稱，心又暗中歡喜來，很想一嚐這是乜東東。所以我要了一個牛肉餅湯加小米套餐。牛肉餅湯，是什麼樣的肉餅呢? 原來這是一個形狀獨特的牛丸。不過，我絕不能稱其為牛丸，因為這不是圓形的波波，而且潮州一對食非常之講究，對食品的稱呼也嚴謹。所以，最好不要叫錯。面前的牛肉餅，是扁平的類牛丸小吃，入口非常之爽口，而且這是薄薄的一片，牛肉味更容易散發出來。此外，因為形狀扁平，爽口煙韌得來又易咬易入口，再配合一個帶點胡椒味的清湯，更好就伴少少辣椒油一起來，味道妙。小米，是一個類似潮州粉果的東西。以蝦米、豬肉、冬菇、冬菇做饀。外皮十分之煙韌，比起潮州粉果的皮更有口感。內餡因為有豬肉同蝦米，咬開口，散發出來的那一份香味是超過100分的。點一點他們的醬油膏，更惹味。中午，有時候宜輕食。輕輕的一個可口午餐，不需要太飽，不需要昂貴，已經是一件很美滿的事。
繼續閱讀
其實都知道呢間舖頭開咗好耐, 但硬係冇乜興趣食潮汕嘢, 所以都冇專登去試, 但上次幫襯佢隔離間麵舖, 走時見到佢有樣嘢叫"小米", 個樣似潮洲粉果, 不過細粒d, 好似幾得意, 所以有少少心思思想試~ 是晚唔係好餓, 於是嚟望下有冇位, 有位就試下, 行過果時其實見full哂, 但疑似老闆娘係咁叫話有位, 莫非我地兩個都發雞盲? 原來門口張2人預備走, 所以叫我地等等~ 老闆娘即刻執枱抹枱, 拎咗張單張同兩兜辣椒醬, 等我地慢慢睇~ 通常第一次幫襯, 都係會有d心大心細, 諗唔掂食乜, 其實我地係因為見佢大部份都係有牛, 所以先諗唔掂食乜, 後來疑似老闆行過嚟, 見我地响有限的選擇仲心大心細, 問駛唔駛介紹下, 我當然唔客氣, 問下咩叫"小米"? 原來係豬肉餡加大地魚粉, 知道唔係牛肉餡, 當然放心選擇~佢呢度分開兩個舖位, 1個係廚房+收銀, 另1個係堂食座位, 咁諗掂之後要行返去收銀落單, 然後等上菜~ 隔咗一陣, 老闆拎飲品嚟時問我地食唔食芫茜、蔥, 未試過有舖頭會咁樣問, 真係細心~叫咗兩個套餐, 因為點計都係套餐抵食過散叫~A1 潮式腸粉+小米+九毛膏C3 魚丸湯+小米+紙包飲品 潮式腸粉原來係皺皮腸粉, 餡係生菜碎同蛋, 然後打個冬菇蠔油芡, 從來未食過咁樣樣的腸粉, 幾得意, 食落又幾好食, 腸粉薄薄地皺埋一齊, 加上生菜仲爽口, 唔係煮淋哂, 又有蛋味, 加埋個芡唔太杰, 濕濕地食又幾個濟~ 小米兩個餐都各自有12粒, 咪睇佢細細粒, 食哂都幾飽~ 個皮都算烟un, 好Q, 佢又冇潮州粉果d皮咁厚, 但質地相似, 餡料係豬肉溝大地魚粉, 食落唔會好鹹, 味道剛好, 有蠔油跟上, 但我覺得點埋太鹹, 反而我點腸粉果個稀咗的蠔油芡, 濕一濕返個皮仲好食~ 魚丸湯潮州出名魚蛋, 所以佢d魚蛋一定好食, 我估佢應該係手打, 因為形狀不一, 唔夠完美~ 食落當然彈牙, 絕對唔係粉頭魚蛋, 不過個湯就太重胡椒粉味, 我完全飲唔到佢用咩去煲, 總之淨係飲到胡椒粉味~ 九毛膏雖然唔知係乜, 而且仲要加$10, 不過本着乜都試的食家精神, 當然要叫嚟試, 不過試之前, 都係上GOGO搵下係乜嚟啦~ 原來係植物嚟, 功效啱哂我啱啱有D咳的徵狀, 一試無妨~只有凍飲, 不過佢冇加冰, 都唔算甜, 口感有D似大菜絲或者係雪耳碎, 咬落爽爽地, 不過後尾飲落又覺得有少少腥腥地, 不過唔係好勁, 可以接受到~呢間舖應該都係兩公婆小店經營, 樣樣都親力親為, 全部都即叫即整, 所以都等得比較耐少少, 如果遇著繁忙時間, 我諗佢地兩個人4隻手都係搞唔掂, 到時手忙腳亂到唔知要等幾耐, 好彩我地食夜晚, 唔算太多人, 而且唔趕時間, 幾時上菜咪幾時食囉, 最緊要唔好急~
繼續閱讀
間中係石門返工既我，今日唔係太肚餓既我於是就上左京瑞商場尋找一啲特色小食，間鋪位置有少少隱蔽，細細間甘係角落頭位置，鋪頭對面有個小鋪可以坐底堂食，平時就喜愛食腸粉既我一見到哩間腸粉鋪就當然要幫襯下，試下好唔好味有單點，有套餐，為食既我選左個B1套餐，潮式腸粉+ 牛肉餅湯同一包紙包飲品 ($45)，價錢中等，不算貴⋯⋯俾完錢就要去等位啦，小鋪只能坐12-14人，所以很快就坐滿人，一坐底就送了餐具同點既牛肉餅湯過黎，有人送餐幾好，唔洗擔心行開就無左位牛肉餅湯 - 有十小粒，幾彈牙，湯也還可以潮式腸粉 - 有豬肉，生菜，同蛋，配自家制香菇汁，腸粉幾滑，香菇汁有香菇味但略嫌唔夠濃味，唔夠咸，於是打開盒辣椒醬，試左一啖有驚喜，似係老闆自家制，唔會太辣，反而有好香既蒜味，撈腸粉食超惹味，好快就食曬一盒腸粉總體黎講四十幾蚊一個餐，味道同食物質素都唔錯，值得回頭食多幾次，小店仲有小米粒，聽隔離台講都唔錯，下次要叫黎試下先得唯一唔鐘意既地方就係：餐具全部都係膠盒，唔係甘環保，好似附近其他小店都有同樣問題，大部分都用外賣盒比較多希望日後有所改善
繼續閱讀
今日同fd去石門京瑞廣場行街。石門依家好多嘢食。行行下見到間潮州小食。我地三個叫左菜茶&小米&腸粉&牛丸牛腩米線。超級好好味。E間係家庭式，老闆娘好nice。話辣椒醬係老闆娘自己整。👍🏻環境唔錯，好乾淨另有多位坐。朋友都讚👍🏻下次會再次幫襯。
繼續閱讀