潮洲滷 (已結業)

好耐冇食潮州菜，今日就買番啲滷味返屋企，同屋企人一齊食。灣仔收工之後就去咗石水渠街呢間滷味外賣店，店舖細細但係keep住好多人嚟幫襯，老闆眼明手快，好快就可以將我要嘅嘢切好包裝好。今日要咗滷水鴨、雞翼尖、雞槌、豬大腸、紅腸、豬耳等等。切好整齊排列好，賣相都唔錯㗎。另外要咗個雜錦飯，都係每樣要啲咁啦。滷水味道特別濃，配飯一流。啲醋同埋滷水汁點煮嚟食，令整體味道昇華。本身飯係有跟維他檸檬茶添，價錢都幾抵食。