醉潮館

營業中

休息中

是夜係食肉獸之夜，因為實在太多野想試。醉潮館前身心夜來潮，原來靜悄悄咁轉左醉潮館，餐牌上選擇繁多，所以眼花撩亂，樣樣都想食。先來一客是日靚湯花膠螺頭，以為係一人份點知黎到可以有兩三碗，內有小花膠，螺頭，雞肉等等，係都市人無飯夜嘅心心眼。醬鹵鵝，食潮汕野點可以唔食鵝，掙扎想食鹵水拼盤不過係無揀錯嘅，啖啖肉又嫩，點埋醋食有醬油又酸微微，正。鴨蛋煎蠔餅係打冷必嗌，蠔餅煎得較透薄，粒粒蠔肉分明，啖啖都食倒蠔仔，而鴨蛋添香了蠔餅！鐵板黑椒豬仔肉坊間不常看到，送到時芝芝作響，黑椒味撲鼻，待涼少少用手大口大口咬（店家貼心用錫紙包住），豪邁，滿足，美味。菜式分量足，兩至三人吃剛剛好。