滿屋日本料理 (已結業)

之前食過放題感覺都唔錯今日就帶埋屋企人一齊再食下啦， 今日去咗銅鑼灣嘅滿屋， 雖然裝修格局有別於高一級 嘅至尊滿屋， 但整體食物質素都唔差。 入到餐廳裏面已經見到有啲熱盆擺咗喺大堂位置，又有小朋友最鍾意食嘅爆谷， 日式沙律等等。同樣佢哋嘅飲品櫃裏面嘅 飲品種類都好多，最愛佢嘅韓國牛蒡茶，有少少甘甜又可消脂。 其實除咗飲品櫃之外佢都有提供梅酒清， 刨冰，特色凍飲咁，可以喺點餐紙上面搵到。叫咗一輪壽司刺身碟碟都好好味，食得出係好新鮮。跟住就開始食熟食啦熟食普遍嘅炸物都唔錯，天婦羅食得出係即刻炸嘅。 重試咗個蟹粥都好鮮甜，整體食物水準唔錯只係燒魚類需時比較耐，不過上到枱全部都熱辣辣，係好味嘅。到最後甜品當然唔少得Häagen-Dazs同wovenpick嘅雪糕喇。