滿屋日本料理 (已結業)

今日放工喺銅鑼灣唔知想食乜嘢，又想食刺身，又想食串燒，又想食天婦羅，之後諗到食放題就可以滿足晒依啲要求！依間比同類型放題餐廳來講價錢算唔貴，都幾多選擇！入到去就俾佢個食物bar 吸引住，同平時酒店buffet嘅格局差唔多！有海鮮冷盤同埋沙律，又有甜品櫃和飲品櫃，超多選擇！坐到埋位，有兩本點食物嘅簿仔，選擇都幾多，刺身我哋揀咗赤海蝦，油甘魚，鮑魚，帶子，螺肉，卷物就揀咗海膽，另外壽司就揀咗海膽吞拿魚茸，灸燒牛肉，灸燒左口魚，串燒選了雞翼同埋牛舌，天婦羅就揀咗海蝦同埋秋葵,最後甜品係金山嘅重點，因為佢有movenpick 雪糕，為今餐畫上圓滿嘅句號！