勝香園

營業中

休息中

好幾年無黎過，今日到中環區，時間尚早，走上黎幫襯下。下雨天，星期六也未見人龍出現，不過檔口都係坐得滿滿。要的係茄牛通，黎到既時候，份量依舊十足，大大碗。印象記得以前睇見已經好濃郁，今次望落冇咁濃郁，不過一食落口，依然茄味十足，美味依然，好野。通粉煮得剛好，不會太腍也不會太硬，好吃，通粉唔係坑通先好食。 牛肉一般，不過也可以的，亦夠多，茄牛通好自然係食到清底的，好滿足。見同枱都有叫脆脆，胃仲有少少位，亦叫個奶油脆脆，奶油脆脆切成四件上，表層焗得很脆的，帶有少少燶，非常討好的奶油脆脆。咖啡夠熱，今日想飲甜一點，要多奶，果然奶香非常，好飲。好滿足好回味的一餐，再來中環會再黎幫襯。