滿記甜品 (已結業)

今天同事仔邀請我到她九龍灣家作客～看看她的家居擺設及她養的貓咪～身為貓痴的我，一邊同佢玩一邊心心眼，食完飯傾下計就落街食甜品～見冇人排隊，今次食滿記啦～呢度好自助好精簡人手，自己去落單，自已去拎野食，用嘅係紙碗膠叉，有d唔環保喎，打開Menu選擇都唔小～我同朋友仔每人叫左一個share食，估下邊個係我叫嘅？！我叫左呢個！識食一定係食……白雪黑珍珠～ 呢間分店仲要好足料添！有圖有真相架！有香蕉丶芒果丶蘭香子丶亞撘子丶龍眼乾，重點就係個汁同刨冰嘅香味！係好濃香嘅雲喱嗱味，真係好正架！配料嘅味道又相當之夾！杏仁茶豆花杏仁奶好香，但豆花就真係麻麻，豆花唔係傳統果隻，冇估錯係大菜做嘅，口感比較實，豆味亦唔香～楊枝甘露味道幾好，甜味適中，西米有咬口唔會林，不過芒果就少d～今晚係星期四喳，聽日仲要番工，如果Friday night就好喇！