影片
更多
2020-11-25
53 瀏覽
呢一間位於銅鑼灣嘅《Hungry monkey》，係一間比較貼地嘅日式鐵板燒餐廳。餐廳位於登龍街，之前疫情稍為緩和，吸引咗唔少嘅食客幫襯。上星期就同朋友慶祝生日，特意預早book咗吧檯位置， 可以一路食， 一路睇下鐵板師傅嘅功夫。坐低之後就點在一杯《 Lemon Highball》$58， 威士忌加上咗檸檬汁以及梳打水， 可以品嘗到少少威士忌嘅酒香， 另外酸酸嘅感覺亦令人醒神開胃，為今晚嘅鐵板燒生日飯展開序幕。首先嚟一個開胃嘅菜式《蕃茄蒜子沙律》$28， 呢個沙律定上咗新鮮去皮肉茄， 加上咗日式柚子醬油， 非常醒胃。 當中嘅蒜蓉係靈魂所在， 沒想過和番茄的啖啖肉是如此相襯。前菜叫咗呢一個味道刺激嘅《辣酒凍花螺》$88， 一傳上枱酒香撲鼻，食落除咗品嚐到米酒嘅香醇之外， 仲有刺激嘅花椒香氣。螺肉冷卻後更加爽口，既麻帶辣，越食越過癮。《海膽熔岩魚餅》$48， 唔好見到黑蚊蚊以為奇貌不揚，一咬落才知道裏面是寶。 海膽像熔岩一樣傾瀉出來，味道回甘，佐酒一流。是日推介《南非鮑魚》$98， 食鮑魚畀人一種高尚嘅感覺， 能夠用咁相宜嘅價錢嚟食鮑魚， 實屬難得。 鮑魚肉質彈牙爽口， 加上特製嘅醬汁，
餐廳位於登龍街，之前疫情稍為緩和，吸引咗唔少嘅食客幫襯。
上星期就同朋友慶祝生日，特意預早book咗吧檯位置， 可以一路食， 一路睇下鐵板師傅嘅功夫。
坐低之後就點在一杯《 Lemon Highball》$58， 威士忌加上咗檸檬汁以及梳打水， 可以品嘗到少少威士忌嘅酒香， 另外酸酸嘅感覺亦令人醒神開胃，為今晚嘅鐵板燒生日飯展開序幕。
首先嚟一個開胃嘅菜式《蕃茄蒜子沙律》$28， 呢個沙律定上咗新鮮去皮肉茄， 加上咗日式柚子醬油， 非常醒胃。 當中嘅蒜蓉係靈魂所在， 沒想過和番茄的啖啖肉是如此相襯。
前菜叫咗呢一個味道刺激嘅《辣酒凍花螺》$88， 一傳上枱酒香撲鼻，食落除咗品嚐到米酒嘅香醇之外， 仲有刺激嘅花椒香氣。螺肉冷卻後更加爽口，既麻帶辣，越食越過癮。
《海膽熔岩魚餅》$48， 唔好見到黑蚊蚊以為奇貌不揚，一咬落才知道裏面是寶。 海膽像熔岩一樣傾瀉出來，味道回甘，佐酒一流。
是日推介《南非鮑魚》$98， 食鮑魚畀人一種高尚嘅感覺， 能夠用咁相宜嘅價錢嚟食鮑魚， 實屬難得。 鮑魚肉質彈牙爽口， 加上特製嘅醬汁， 令人垂涎三尺。
必食推介，《香蔥牛肉薄燒》$88， 呢一個薄燒牛肉機乎枱枱必點， 望住鐵板燒師傅煮呢一道菜， 最為賞心悅目。薄薄嘅牛充滿牛肉香， 而且肉汁豐富， 加上超級香口嘅香蔥同炸蒜， 令牛肉味道更上一層樓。
由於朋友生日， 所以就叫咗呢個同蛋糕相似嘅《蟹盛御好燒》 $158， 呢一個御好燒有齊咗蟹子、蟹膏和蟹肉。 蟹膏味道帶點鹹香， 香氣喺口腔內徘徊不散。 食客們仲可以隨自己喜好加上紫菜碎和紅薑， 同間嘅酸酸甜甜中和咗御好燒嘅飽滯感覺。
最後食多一個《日本炒麵》$78作結， 炒麵炒得好香口， 裏面加入咗多款蔬菜， 有韭菜、洋蔥、蘿蔔絲， 仲有木魚碎。
朋友對呢一餐生日飯表示十分滿意， 餐廳仲有多款清酒選擇， 下次一於同朋友食多一餐先。
張貼
