極尚大喜屋 (銅鑼灣廣場一期)

營業中

休息中

好耐冇食過放題 ，週六同朋友去咗銅鑼灣極尚大喜屋食午市放題😋。近排餐廳仲做緊優惠，第二位半價，人均每位唔使二百蚊，幾抵食。👍Qr code落單，首先梗係食下刺身同壽司啦，刺身都幾新鮮肥美， 壽司款式好多，我就最鍾意食火炙壽司。🥢🍣自助區有凍蝦🦐，凍蜆，凍青口，另外都有啲沙律前菜及熟食，未有嘢食黎嘅時候食下。飲品選擇豐富，我今次主要🍵飲煎茶同埋羅漢果茶， 但見到清酒梅酒好受歡迎🍶。因為天氣凍，所以今次叫咗好多熱辣辣既熟食，有蛇羹，花膠雞湯，蟹粥。我主攻我最愛嘅西京燒比目魚🐟 都食咗好多轉。🥄最後食埋個甜品豆腐花就滿足曬😍今餐時間充裕，坐卡位坐得舒服，質素唔錯👍