去滾 (裝修中)

俗語有云，唔滾唔知身體好！大家唔好誤會，呢個滾，係滾嘢食個滾🤣入到呢間去滾，果然玩味十足！餐廳裝修好特別，有好多打卡位，最正係佢有個露台俾人outdoor打邊爐，對住個靚景食嘢，簡直係酒吧Crossover火鍋店！正！不過正值大熱天時，我哋就唔出去食啦，去返入邊涼住冷氣慢慢食先😝 湯底選擇好多，今次我哋就試咗佢個鴛鴦湯底，揀咗麻辣鴨血鍋同秘製沙嗲鍋，兩款都夠晒濃味，我哋特別鍾意個麻辣湯底，勁有台式火鍋嘅感覺🤩 配料方面，同一般火鍋店都差唔多，牛肉有好多選擇，全部都幾唔錯👍🏻但係我想重點介紹以下兩樣比較少見嘅小食同甜品，真係一試難忘👍🏻👍🏻👍🏻金甲脆魚皮 - 鹹蛋黃炸魚皮，即炸即上，熱辣辣又脆又香，冇得頂！😍 仲要上台嗰時有隻霸氣獅子，用嚟打卡一流👍🏻👍🏻👍🏻繽紛鮮果涼粉鍋- 呢個雜果涼粉鍋，三四個朋友share啱哂！有芒果，西瓜，火龍果粒，配上椰奶涼粉，味道好夾！食完龍尾嘅火鍋同辣嘢再食呢個甜品，極度滿足🤣🤣餐廳環境同嘢食都非常有水準，坐得又舒服，唔使趕住禁食，同一班朋友食住吹水啱晒！