影片
更多
2013-04-29
94 瀏覽
如無必要, 甚少到深水埗, 而每次去都係食潤牛麵, 食得多都會膩。今日想食下小食, 之前聽講深水埗有間腸粉好好食, 試過刻意搵又搵唔到, 因為我非常唔熟深水埗。今日想試又行行下見到喎, 即刻入去試下。呢間合益泰就係深水埗最出名嘅豬腸粉喇。豬腸粉係傳統廣東早點, 將米漿倒係布面上蒸熟, 然後拉成好似豬腸咁, 所以我地叫豬腸粉。流傳至今, 因為受歡迎, 所以由早餐到宵夜, 任何時候大家都可以食到豬腸粉, 亦好似咖哩魚蛋咁成為香港人至愛街頭小食之一。合益泰門外, 差不多整日都有人龍買腸粉, 而D阿姐就企係門口不停蒸腸粉, 剪腸粉, 保證新鮮。我最鍾意佢地將D醬料放晒係枱面, 客人可以隨意加自己喜愛嘅醬料同份量。相信好多人鍾意食腸粉都係因為D醬, 係絕配! 我本人就好鍾意多醬, 豉油、麻醬、甜醬、芝麻, 缺一不可, 混醬腸粉, 全部都要多! 有時仲會加少少辣醬。佢地嘅腸粉好新鮮, 又唔會有联布味, 好滑, 而且唔止滑, 仲爽, 因為需求多, 腸粉不停流轉, 令腸粉保持剛好熟嘅狀態, 唔會黐埋一堆, 食到最尾都唔會腍, 唔會爛。食完個中我地又叫多個中!咖哩魚蛋同豬皮無乜特別, 咖哩魚蛋無乜咖哩味
豬腸粉係傳統廣東早點, 將米漿倒係布面上蒸熟, 然後拉成好似豬腸咁, 所以我地叫豬腸粉。流傳至今, 因為受歡迎, 所以由早餐到宵夜, 任何時候大家都可以食到豬腸粉, 亦好似咖哩魚蛋咁成為香港人至愛街頭小食之一。
合益泰門外, 差不多整日都有人龍買腸粉, 而D阿姐就企係門口不停蒸腸粉, 剪腸粉, 保證新鮮。我最鍾意佢地將D醬料放晒係枱面, 客人可以隨意加自己喜愛嘅醬料同份量。相信好多人鍾意食腸粉都係因為D醬, 係絕配! 我本人就好鍾意多醬, 豉油、麻醬、甜醬、芝麻, 缺一不可, 混醬腸粉, 全部都要多! 有時仲會加少少辣醬。
佢地嘅腸粉好新鮮, 又唔會有联布味, 好滑, 而且唔止滑, 仲爽, 因為需求多, 腸粉不停流轉, 令腸粉保持剛好熟嘅狀態, 唔會黐埋一堆, 食到最尾都唔會腍, 唔會爛。食完個中我地又叫多個中!
咖哩魚蛋同豬皮無乜特別, 咖哩魚蛋無乜咖哩味, 但爽口唔會縮水, 豬皮亦軟硬適中。
豆漿都OK, 甜度適中, 無燶味。
以前我覺得元朗B仔嘅腸粉最好食, 食完就知點解深水埗呢間豬腸粉咁出名。
題外話/補充資料：
因為腸粉太好食, 幾日後我又再嚟食, 同埋上次已經想試下D粥, 今次嚟試埋。呢度嘅粥都唔錯, 我叫咗個艇仔牛, 粥底都幾靚, 綿滑, 唔係淨係生粉水咁, 用料足, 豬皮魷魚牛肉都多, 豬皮魷魚爽口, 成碗粥唔會好油, 味道豐富, 13蚊碗又飽肚, 抵!
珍珠雞就真係唔好食, 涵少, 肥, 味道認真麻麻。:(
(以上食評乃用戶個人意見 , 並不代表OpenRice之觀點。)
張貼
