米走雞 (昭德大廈) (已結業)

早排係Facebook 見有朋友去左食芝士雞煲，即時八下係邊先，原來間起叫米走雞，係荔枝角。訂左7點準時去到，但未人齊唔入得去住，等左十分鐘左右朋友到齊，可以入去啦。三個人食，叫左個細既黃金芝士雞煲係我地今日黎既目的，細既特級雪花肥午，出前一丁，魚歡喜，響鈴，娃娃菜同油麥菜各半份，仲有芝士。芝士雞煲，一上枱好似一煲白色既野咁，開左火一陣就有香味，所有雞件都被芝士包住，超香，所有雞件都係雞腿肉，十分嫩滑，雖然配料唔多，只有洋蔥同葱，但都已經足夠了。雞件食左6，7成左右，就加湯食其他野，魚歡喜原來係墨魚滑，夠彈牙，又鮮甜，造型都好靚。雪花肥牛，唔係好肥，好有牛味，加埋芝士一齊入口，既嫩口又鮮味。 見到扇貝咁肥美真係好吸引，拾下拾下，連芝士味一齊入口，係新鮮以外的另一層次。最後當然要整翻個芝士撈丁，除左出前一丁再加芝士，好香濃既芝士麵，彈牙，又滑，諗起都流口水。有心食就最好訂位，間鋪唔大，可能要等。